ციო გარდაიცვალა… რაღაც ეტაპი დამთავრდა… - მამა პეტრე
სვეტიცხოვლის საკათედრო ტაძრის დეკანოზი მამა პეტრე (კვარაცხელია) ფეისბუკის საკუთარ გვერდზე ემოციურ პოსტს აქვეყნებს:
"იფნევის ქუჩაზე ხშირად დავდიოდით მე და ჩემი მეგობრები… ბოლოს ისე მივეჩვიეთ, ზოგჯერ დღეში ორჯერ მივადგებოდით…
ნაბიჯებს ვერ იმორჩილებდი, მიყვებოდი გზას, სადაც ყოველთვის გეტყოდნენ, რომ გვიანი არასდროს არის მოსვლა…
იქ მეგობარი გველოდა, მაგრამ მეგობრის დედა არანაკლებ ელოდა შვილის მეგობრებს…
ხშირად ჩაილაპარაკებდა, მისნაირი გიჟები შემოუკრებიაო…
სულ გაღიმებული გხვდებოდა, რაც არ უნდა გადაღლილი ყოფილიყო, არ გაგრძნობინებდა, ვწუხდებიო…
იფნევის ქუჩა, ყველა ჩემი მეგობრისთვის საკრალური გახდა… ვხუმრობდით კიდეც, ჩვენი ,,უმანკოების მუზეუმი” იფნევზე არისო… სადღაც ასეც იყო…
წინასწარ დავრეკავდით, გვშია და რამე გაგვიმზადეო… ჩვენი გადარეული მეგობარი გვიპასუხებდა, მოოოდით, მოოოოდით, კარტოფილი ამ წამს შევწვიო… ხშირად არც იყო ასე, მაგრამ რომ არ გვეუხერხულა, მაინც ასე პასუხობდა…
ჩვენ სად ვიცოდით უხერხულობა… თავხედურად მივადგებოდით ღამის სამ საათზეც და კართან ატყდებოდა ბრახა-ბრუხი…
ციო იტყოდა, ჩვენ ჯანდაბას, მეზობლებს მაინც ნუ გადარევთ, თორემ სახლს ვინ ჩივის, ქუჩაზეც არავინ შემოგიშვებთო!..
ატყდებოდა ხორხოცი, გნიასი და რიჟრაჟი ისე შემოგვეპარებოდა, უკან მიუხედავად გავრბოდით…
ერთი წელი უმკაცრესი ზამთარი იდგა… ეზოში ფიჩხებს აგროვებდა ციო… შეშა გამითავდა, არც არავინ მყავს მომიტანოსო… ჩავისვი მანქანაში და საბარგული შეშით გავავსეთ… მარტო შარახვეტია არ ხარ, მხარში დგომაც იციო და გვერდულად ჩაიცინა…
მორწმუნე იყო, ექიმბაშობაც კარგად გამოსდიოდა. ძველ გაზეთებს უკირკიტებდა, წინაპრების ნასწავლიც მოჰყვებოდა და ისეთ მალამოებს ამზადევდა, ორ დღეში ყველა ჭრილობა შუშდებოდა… თვითონაც მალამო იყო… რამდენჯერ აუტანია ჩვენი გიჟობები და სისულელეები…
ღვთისმშობლის მედალიონი ვაჩუქე… ჯვარიც ეკიდა, მაგრამ ეს გამორჩეულად მიყვარს, შარახვეტიას ნაჩუქარაო, ეტყოდა მასთან მისულებს…
ციო გარდაიცვალა… რაღაც ეტაპი დამთავრდა… იფნევის ქუჩა სულ იქნება, მაგრამ ის დრო აღარ დაბრუნდება… აღარც ის ხალისი, არც სპაზმამდე მისული ჰომერული სიცილი ჩამოანგრევს საუკუნოვან კედლებს…
ახლაც მივხვდი, რომ ყველაფერს ადვილად ვეგუებით, ადვილად ქვავდება გულიც და ადვილად ხდება გაუცხოებაც… ჰოდა, ამ ყველაფერს სიკვდილი მირჩევნია… სანამ ჯერ კიდევ შეუძლიათ ადამიანებს, ვიღაცის გამო ტირილი და დამწუხრება…
ვატყობ, მალე ესეც აღარ იქნება… რობოტებივით გავაცილებთ ერთმანეთს!..",- წერს, მამა პეტრე.
ასევე დაგაინტერესებთ:
🔵შეგრჩათ ოხრად მწვანე პასპორტები, დაგაგოიმეს… - ლადო სადღობელაშვილი
🔵ყველა ობიექტზე სტუმარი უნდა დაიშვას ახალი ტესტით ან ვაქცინაციის სტატუსით - ბიძინა კულუმბეგოვი
🔵ყველა ობიექტზე სტუმარი უნდა დაიშვას ახალი ტესტით ან ვაქცინაციის სტატუსით - ბიძინა კულუმბეგოვი
მთავარი სიახლეები
1778171319
საზოგადოებაანდრია ჯაღმაიძე: სინოდი იყო ერთსულოვანი და ორიენტირებული, რომ პატრიარქის არჩევნები იქნება ისეთივე ღირსეული და სანიმუშო, როგორც პატრიარქის გარდაცვალების შემდგომი პერიოდი
საპატრიარქოს საზოგადოებასთან ურთიერთობის სამსახურის ხელმძღვანელმა ანდრია ჯაღმაიძემ ჟურნალისტებს განუცხადა, რომ დღეს შეიკრიბნენ მღვდელმთავრები, რათა საბოლოოდ შეეთანხმებინათ გაფართოებული კრების თარიღი....
1778169647
საზოგადოებაპროკურატურა: სასამართლო პროცესზე გამოკვლეული მტკიცებულებებით დადასტურდა, რომ პაატა ბურჭულაძემ, მურთაზ ზოდელავამ, ირაკლი ნადირაძემ და ირაკლი შაიშმელაშვილმა სახელმწიფო ხელისუფლების დამხობის შესახებ საჯარო მოწოდებები გააკეთეს
პროკურატურის მიერ წარდგენილი მტკიცებულებების საფუძველზე, სასამართლომ სტრატეგიული და განსაკუთრებული მნიშვნელობის მქონე ობიექტის ხელში ჩაგდების მცდელობის, ჯგუფური ძალადობის ორგანიზების, ხელმძღვანელობის...
1778168403
საზოგადოებაკირცხალია: მდინარაძის სახელმწიფო მინისტრად დაწინაურების დღიდან ანერვიულდნენ, რა უნდა გააკეთოს იმ პოზიციიდან, ფორმალურიაო. დღეს გენერალურმა პროკურორმა ბრიფინგი ჩაატარა მოძალადე პირების დაკავებაზე. აი, ეს არის კონკრეტული შედეგი
გენერალური პროკურატურის მიერ, 2024 წელს მიმდინარე აქციების დროს ზვიად მაისაშვილის, ლევან ხაბეიშვილის და გურამ როგავას მიმართ განხორციელებული ძალადობის ფაქტებზე 5 პირის დაკავებას, საპარლამენტო უმრავლეს...
1778166834
ახალი ამბები„ცივი იარაღით გულმკერდის არეში დაზიანება მიაყენა მოქალაქეს და ადგილიდან მიიმალა“ - შსს განცხადებას ავრცელებს
შინაგან საქმეთა სამინისტროს გურიის პოლიციის დეპარტამენტის თანამშრომლებმა, განზრახ მკვლელობის მცდელობის ბრალდებით 1 პირი დააკავეს. ინფორმაციას შსს ავრცელებს. „გამოძიებით დადგინდა რომ ბრალდებულმა ურთიერ...
1778165483
ახალი ამბებიდავით უტიაშვილი: უცხოურ ვალუტაში სესხის აღების ზღვრის გაზრდა სავალუტო რისკებისგან დაიცავს როგორც მომხმარებელს, ასევე, ფინანსურ სექტორს
რეგიონში და ზოგადად, გლობალურად გაზრდილი გამოწვევების, ასევე, საქართველოში მცურავი გაცვლითი კურსის გათვალისწინებით, მომხმარებელთა მხრიდან დოლარში სესხის აღება ჭარბის რისკის შემცველია, რის გამოც მივიღე...
