ვცდილობ არ აგყვე ლანძღვაში, ახლა ქოცტროლებიც შემოლაგდებიან ჩემგან შენს დასაცავად - ალეკო ელისაშვილი VS ნინო ჯანგირაშვილი

პარტია "მოქალაქეების" ლიდერი და პარლამენტის წევრი, ალეკო ელისაშვილი ფეისბუკის საკუთარ გვერდზე წერს, რომ  ტელეკომპანიების „ტვ პირველი“, „ფორმულა“ და „კავკასია“ წინააღმდეგ   ჟურნალისტური ეთიკის ქარტიას მიმართა. 

ელისაშვილი ტელემაუწყებლებს, სიცრუის ტირაჟირებაში ადანაშაულებს, ხოლო ჟურნალისტური ეთიკის ქარტიისგან, დროულ და ადეკვატურ რეაგირებას ელოდება. მისი თქმით, ტელეკომპანიებმა მისი პოზიცია რეზოლუციასთან დაკავშირებით, არასწორად გააშუქეს.

„შევიტანე საჩივარი ჟურნალისტური ეთიკის ქარტიაში გუშინ რაც იკადრეს ტვ პირველმა, კავკასიამ და ფორმულანიუსმა იმასთან დაკავშირებით. ტაბულა-ს როგორც ჩანს არაფერი დაუდია შესაბამისად ტყუილად ვლანძღე და ბოდიშს ვუხდი ამ რედაქციას. იმედი მაქვს ჟურნალისტური ეთიკის ქარტიის საბჭო დროულად და ობიექტურად შეისწავლის ამ საკითხს და შესაბამის სახელს დაარქმევს იმას რაც TV Pirveli News • ტვ პირველი მა და ჩემდა ძალიან სამწუხაროდ ტელეკომპანია კავკასია-მ იკადრეს. იმედი მაქვს მოუწევთ ბოდიშის მოხდა ამ ტელევიზიებში მომუშავე იმ კონკრეტულ ნაძირალებს, რომლებმაც ჩემი სიტყვები სრულად შეგნებულად, სრულიად საპირისპიროდ წარმოაჩინეს. საქართველოს ჟურნალისტური ეთიკის ქარტია ველი თქვენს დროულ და ადეკვატურ რეაგირებას“

ალეკო ელისაშვილს პოსტზე ტვ „კავკასიის“ დირექტორმა, ნინო ჯანგირაშვილმა უპასუხა:

„ვცდილობ არ აგყვე ლანძღვაში. მიხარია რომ ქარტიაში შეიტანე საჩივარი. კარგი ადგილია პროფესიული დისკუსიისთვის და არგუმენტების წარსადგენად. შევხვდებით ქარტიაში. იმედია კავკასიისთვის ბოდიშის მოხდა არ გაგიჭირდება.“

ალეკო ელისაშვილი:

„ა, ესეიგი მე მაქვს იქით მოსახდელი ბოდიში ხო? რა საინტერესოა. ყოჩაღ თქვენ ნინო! ყოჩაღ“

ნინო ჯანგირაშვილი:

„დანარჩენი ქარტიაში ალეკო, თორემ ახლა ქოცტროლებიც შემოლაგდებიან ჩემგან შენს დასაცავად და ისეთი ამბავი დატრიალდება აქ, მგონი არ ეკადრება ჩვენს წარსულ მეგობრობას.“

ცნობისთვის, ალეკო ელისაშვილი პოლიტიკაში წასვლამდე, „კავკასიაში“ ჟურნალისტად მუშაობდა. 

ასევე დაგაინტერე­­­­სებთ:

🔵ფილტვების დაზიანების 4%-ით შევიდა საავადმყოფოში, 2-3 დღეში უკვე 85%-ია, ხალხნო ესაა მკურნალობააა! - ემზარ კვიციანი თამაზ მეჭიაურის ჯანმრთელობის მდგომარეობაზე

🔵FAO: მცენარეული ზეთის ფასი რეკორდულ ნიშნულზეა

🔵NATO: ავიაგამანადგურებლებმა ნორვეგიის საჰაერო სივრციდან რუსული ბომბდამშენები გააძევეს