„ჩემ არჩევანს 60% გარანტირებული აქვს“ - რას ამბობს ზალიკო ბერგერი

 დიზაინერი ზალიკო ბერგერი სოციალურ ქსელში ვიდეოს აქვეყნებს, სადაც საქართველოში მიმდინარე საპარლამენტო არჩევნების შესახებ საუბრობს.

მისი თქმით არჩევნებზე არასდროს ყოფილა, თუმცა დარწმუნებულია რომ მისი არჩეული პოლიტიკური სუბიექტი გაიმარჯვებს:

 „მოგესალმებით ძვირფასო მეგობრებო და განსაკუთრებით ყველას, ვინც საქართველოზე განვიცდით და შეგვტკივა გული. მე არასდროს არ ვყოფილვარ ცხოვრებაში არჩევნებზე, მიუხედავად იმისა რომ ჩემი მოქალაქეობრივი ვალი იყო. ჩემ არჩევანს დარწმუნებული ვარ 60% გარანტირებული აქვს, ჩავთვალე, რომ ჩემი ხმა რაღაცას წყვეტდა ამიტომ მე და დედაჩემი ვიყავით არჩევნებზე. მართალია გვიან მაგრამ უფრო მეტი ხმა გვიან რჩება ჩემს რჩეულ პოლიტიკურ სუბიექტს.

ვირჩევ მშვიდობას პირველ რიგში ჩემი ქვეყნის სიყვარულით და უკეთესის მოლოდინით. ვფიქრობ, რომ საუკეთესო არჩევანი მაქვს, მშვიდობა განვითარება და ეკონომიკური წარმატება. ასევე დიპლომატია მთელი მსოფლიოს წამყვან სახელმწიფოებთან და მოვდივართ მშვიდობით. მიხვდებით ეს რამხელა გამართლებაა. წარმატებას ვუსურვებ პარლამენტში ჩემს მეგობარს ეკა ჭიჭინაძეს. ღმერთი ჩვენკენ და საქართველო იქნება ბედნიერი“, - ამბობს ზალიკო ბერგერი.

შეგახსენებთ, დღეს საქართველო XI მოწვევის პარლამენტს აირჩევს.

საქართველოს პარლამენტის 150 დეპუტატს ამომრჩევლები პროპორციული საარჩევნო სისტემის საფუძველზე აირჩევენ. არჩევნები ელექტრონული წესით წელს საქართველოში პირველად ტარდება.