"ფეხშიშველა დგას. ჩუმად გიმღერა იავნანა დედამ სასაფლაოზე და თითქოს მყის ჩაგეძინა" - გარდაცვლილი 15 წლის ჩოხატაურელი ბიჭის უფროსი და სოციალურ ქსელში სულისშემძვრელ პოსტს ავრცელებს

ცოტახნის წინ გარდაცვლილი 15 წლის ჩოხატაურელი ბიჭის დავით ხაბეიშვილის უფროსი და მარიამი სოციალურ ქსელში სულისშემძვრელ პოსტს ავრცელებს.
“22 აგვისტო. 2022.
დილა.

კაშკაშა მზე.

მეექვსე შვილი – 15 წლის დავითი მღერის.

ესმის პაწია გორაკს, ესმის დიდ ცას.

ფეხშიშველა დგას.

შხეფები ციმციმებს.

წყლის ჭავლის აპარატიდან გადადის დენი,

წრედი იკვრება.

სიმღერა გაწყდა.

პაწია გორაკსა და დიდ ცას ესმის ამოძახილი.

მეცხრე შვილი, ნაბოლარა მართა ხედავს, მცირედ ტოკავს დავითის სხეული, პირიდან რაღაც გადმოსდის.

მაშინ როცა საავადმყოფოს წინ დაჩოქილი ლოცულობს მამა,

გვერდით, ეკლესიის ეზოში უკვე თრთის ბიჭი, რომელმაც ნახა, როგორ ატირდა ყველა ექიმი.

…

გადის სანატრელად დაძინებული ჩემი ძმა

ჯიბრის, წყენის, დარდისა და ყოყოჩობის მიღმა.

სახლში მიდის.

სირცხვილია, მის ცხედართან აქაური ფიქრი.

გვენატრება… ვხარობთ, რომ ღმერთმა გვაჩვენა და წაიყვანა იგი

ბავშვივით წრფელი და კაცივით დაღლილი; ბავშვურად უხილველი და განუცდელი წუთისოფლის ბიწიერების და კაცურად ამრჩევი ღვთივსათნო მორჩილების.

შენი ძმური თანადგომის ხსოვნით აუდუღდა მამას გული.

ჩვენ ვრჩებით და შემოგნატრით… შენ ხომ აფრენა ასე მალე დაიმსახურე.

…

ჩუმად გიმღერა იავნანა დედამ სასაფლაოზე და თითქოს მყის ჩაგეძინა”.

შეგახსენებთ, მეთერთმეტე კლასელი ბიჭი დენის დარტყმით გარდაიცვალა.

ასევე დაგაინტერესებთ:

🔵ლარის კურსი მკვეთრად ეცემა - რამდენად სეიძენთ ხვალ 31 აგვისტოს დოლარს და ევროს?

🔵"გამიფრინდა ჩემი გოგო………" - მხატვრი, ლიკა დილევსკაია გარდაიცვალა. რა გახდა ცნობილი ქართველი დიპლომატის შვილის გარდაცვალების მიზეზი?

🔵"მთელი კლინიკა დაგტირის გვანცა" – ახალგაზრდა ექიმი, გვანცა ფოფხაძე გარდაიცვალა