„ფოტო-პროექტის „ქართველი ქალები, კავკასიის მარგალიტები“ ერთ-ერთი ქალი გავხდი“ - რას წერს ნათია ფანჯიკიძე

„ფოტო-პროექტის "ქართველი ქალები, კავკასიის მარგალიტები" ერთ-ერთი ქალი გავხდი“, - ამის შესახებ სოციალურ ქსელში ფსიქოლოგი ნათია ფანჯიკიძე წერს.

„განსაკუთრებული ამბავი გადამხდა და აღუნიშნავი რომ დავტოვო, ვფიქრობ, ეგ უფრო აროგანტული იქნება, თითქოს არაფერს ნიშნავდეს ჩემთვის, ვიდრე გულწრფელად რომ გამოვხატო, რასაც ვგრძნობ, როგორი პატივია და როგორ მიხარია, რომ ფრანგი ფოტოგრაფის ნატალი ტუფენკჯიანის და პიტერ კლუეს ფოტო-პროექტის "ქართველი ქალები, კავკასიის მარგალიტები" ერთ-ერთი ქალი გავხდი.

ნატალიმ რომ დამირეკა და ჩამომითვალა ცოცხალი ქართველი ქალები, ვინც რომელიმე დარგში სიმბოლიზებულ იმიჯად, ზოგი კი სიცოცხლეშივე ლეგენდად იქცა, ნონა გაფრინდაშვილიდან ნინო ანანიაშვილამდე, ნანი ბრეგვაძე, ნინო სუხიშვილი და სხვა უკარატისტესი ქალები და ამ პროექტის ქალად უნდა გადაგიღოო, ჰმმ....ჩემოკარქო... ყავა დავლიოთ და დავიშალოთ, მე ვუთხარი, მაგრამ აი, ასე მოხდა და რა ვიცი, მადლობა ნატალის და უფალს მადლობა მოუხდება კიდევ ამ ამბავს, აბა სხვა რა ვთქვა.

ალბომის გამოცემამდე პორტრეტების გამოფენა ორბელიანის სასახლეში მოეწყო. ფოტოს ორიგინალი არ მაქვს, ფოტოგრაფის საკუთრებაა. ტელეფონით კი გადავიღე, რამდენადაც შევძელი, იმდენად მშვენივრად, კოხტად“, - წერს ნათია ფანჯიკიძე.

ასევე დაგაინტერესებთ:

🔵 „მინდა გამარჯვებულს ვხედავდე, თავისუფლებაზე“ - სოფო ნიჟარაძე ნიკა გვარამიას დაბადების დღეს ულოცავს

🔵 ქართველი ემიგრანტი იტალიიდან საქართველოს მთავრობას მიმართავს - „ეს ჩემი ბებიაა, არც დედაჩემის დედაა და არც მამაჩემის და არც ახლო ნათესავი, მაგრამ ის შენ გახადე ჩემი ბებია...“

🔵 "რომ არ დავხოცოთ ერთმანეთი, დეპოლარიზდით თქვე გამოთაყვანებულებოო, ამიტომ გვეხვეწება ეს გადაქანცული დასავლეთი"