„ჰო, ჩვენ უკრაინის ქალაქ ბუჩაში ავაშენებთ საბავშვო ბაღს!ავაშენოთ ჩვენ, ქართველმა ხალხმა“ - გიგა მაქარაშვილი ინიციატივით გამოდის

სამოქალაქო აქტივისტი გიგა მაქარაშვილი სოციალურ ქსელში პოსტს აქვეყნებს და წერს:

„მზად ხართ კიდევ ერთი სიგიჟის დასაწყებად? მოდით, ბუჩაში საბავშვო ბაღი ავაშენოთ!

არაფერიც არ მოგესმათ, ჰო, ჩვენ უკრაინის ქალაქ ბუჩაში ავაშენებთ საბავშვო ბაღს.

ავაშენოთ ჩვენ, ქართველმა ხალხმა. ავუშენოთ ჩვენს დებსა და ძმებს უკრაინაში თანამედროვე, კომფორტული, ევროპული სტანდარტების საბავშვო ბაღი! რა გვჭირდება ამ სიგიჟის სისრულეში მოსაყვანად?

ზელენსკის ადმინისტრაციასთან კომუნიკაციაში რამდენიმე ადამიანი დაგვეხმარება, რათა ნებართვა მოგვცენ. და ნებართვა ჩვენ გვექნება, დამიჯერეთ  ძალიან კარგი პროექტი, რომელსაც ყველაზე ყოჩაღი ქართველი არქიტექტორები შექმნიან! საუკეთესო ქართველი მშენებლები!

შენობას ჩვენი უნიჭიერესი არტისტები მოხატავენ, ქართულ-უკრაინული თემებით გვჭირდება ფული! ბევრი ფული, რომელსაც ბევრი ადამიანის მიერ ჩარიცხული მცირე თანხებით შევაგროვებთ!

უკვე ვხედავ ახალი, ფერადი, თანამედროვე საბავშვო ბაღის გახსნის დღეს და წარწერას შენობის შესასვლელში:

“ქართველი ხალხისგან - From the GEORGIAN PEOPLE”

რას იტყვით, ავაშენოთ?

პ.ს. თანხის შეგროვებას ნებართვის მიღებისა და პროექტის დამტკიცების შემდეგ დავიწყებთ! 

თუ იდეა მოგეწონათ, მაშინ პირველი აგურის დადების დროა! პოსტის გავრცელებაში დაგვეხმარეთ, ბევრმა ნახოს.

ჩემო კარგო ქვეყანავ“, - წერს გიგა მახარაშვილი.

ასევე საინტერესოა:

🔵  „2006 წელს ვთქვი - რუსეთის ბაზარი იმდენად უხარისხოა, ფეკალიები რომ შეიტანო ისიც კი გაიყიდება მეთქი და ჯვარს მაცვეს“ - რას წერს ირაკლი ოქრუაშვილი

🔵 დასავლეთში 0, -1, აღმოსავლეთში -1, -3, ხოლო მთიან რეგიონებში -2, -7 გრადუსამდე - როგორი ამინდია მოსალოდნელი 14-16 აპრილს საქართველოში

🔵 „ესენი ბოლოს ზელენსკიზე მეტად ზელენსკები გახდებიან ისეთ განცხადებებს აკეთებს „ოცნება“ - რას წერს ინგა გრიგოლია?