"ნაცსექტის ლოგიკას თუ გავყვებით: რუსეთი აქედან გატანილი რძის პროდუქტიდან რძეს ტანკებში ჩაასხამს, არაჟანს კი მუხლუხოების დასაზეთად გამოიყენებს?!" - ბონდო მძინარაშვილი

ჟურნალისტი, პირველი არხის სამეურვეო საბჭოს წევრი ბონდო მძინარაშვილი, სოციალურ ქსელ ფეისბუკში საქართველოდან რუსულ ბაზარზე რძის ნაწარმის შესაძლო გატანის საკითხს ეხმიანება და წერს:

"აბა, დაუკვირდით!

ნაცსექტანტები ამბობენ, - საქართველოდან რუსეთში რძის ნაწარმი რომ შეიტანონ, ამას რუსეთი გაძლიერდება და უკრაინის დასაბომბად გამოიყენებსო.

ახლა ყურადღებით!

ჯერ ერთი, საქართველოდან რუსეთში რძის ნაწარმის გაგზავნას არავინ აპირებდა და აპირებს!

ომის დაწყებისთანავე საქართველოდან რძის ნაწარმის შეტანაზე თანხმობა რუსული მხარის პროვოკაცია იყო და ქართულ-უკრაინული ურთიერთობის დაძაბვას ემსახურებოდა!

ვიმეორებ: ეს იყო მიზანმიმართული პროვოკაცია, ისევე, როგორც გავრილოვის განცხადება საავიაციო მიმოსვლის აღდგენის შესაძლებლობის შესახებ!

სამწუხაროდ, ნაცსექტანტებისგან დეზინფორმირებული უკრაინის ხელისუფლების წარმომადგენლები რუსეთის ამ პროვოკაციას წამოეგნენ და საქართველოს ხელისუფლების დადანაშაულება დაიწყეს აბსოლუტურად უსაფუძვლოდ!

მეორეც: საქართველოდან ნებისმიერ ქვეყანაში პროდუქციის გატანა ჩვენთან ამ პროდუქციის საფასურის შემოსვლას ნიშნავს.

ანუ, აქედან თუ რძის პროდუქტს გავიტანთ, იქიდან ვალუტა შემოვა!

ჩვენს სავაჭრო პარტნიორებს ასე ვამდიდრებთ, როცა მათ პროდუქციას ვყიდულობთ.

მაგალითად, თურქეთს, აზერბაიჯანს, უკრაინას, იგივე რუსეთს და ა. შ., რადგან ხელს ვუწყობთ ამ ქვეყნების ეკონომიკების გაძლიერებას, იქ სამუშაო ადგილების გაჩენას!

თუ რუსეთის დასუსტება გვინდა (ვაი ჩვენს პატრონს, ჩვენი ეკონომიკის პირობებში!), უარი უნდა ვთქვათ რუსულ ფქვილზე, რუსულ გაზზე და რუსულ ელექტროენერგიაზე, რადგან ამ ყველაფერს უფასოდ არ ვიღებთ, საფასურს ვუხდით, ეს ფული კი ნამდვილად ემსახურება რუსეთის ბიუჯეტის შევსებას!

ჰოდა, ნაცსექტის ლოგიკას თუ გავყვებით, რა გამოდის:

რუსეთი ძლიერდება იმით, რომ რუსეთი აქედან გატანილი რძის პროდუქტიდან რძეს ტანკებში ჩაასხამს, არაჟანს კი მუხლუხოების დასაზეთად გამოიყენებს?!

თუ იმდენად დიდ დეფიციტს განიცდის, რომ ქართული რძის ნაწარმის გარეშე ჯარს ვერ ამარაგებს?!

ძალიან მარტივად ვწერ, რასაკვირველია!

რუსეთში არავინ არაფრის გატანას არ აპირებს! არც პროდუქცია გვაქვს და არც - სურვილი!

ნაცსექტის და მისი უკრაინელი დოსტების პროვოკაციის მიზანი სულ სხვაა:

მათ სურთ, რომ რუსეთმა შექმნილი ვითარებით ისარგებლოს და საქართველოს ფქვილის, გაზის და ელექტროენერგიის მოწოდება შეუწყვიტოს, შეუმციროს ან ფასი ისე გაუზარდოს, რომ საქართველოში სიტუაცია დამძიმდეს და ხელისუფლების ფორსმაჟორით ისარგებლონ, - კიდევ ერთხელ აყაყანდნენ, რომ უნიათოა და ვერაფერს აკეთებს მოსახლეობისთვის!

ბოროტები არიან ნაცსექტანტები, ძალიან ბოროტები, - ქვეყნის დაქცევაზეც არ იტყვიან უარს ძალაუფლების კვლავ ხელში ჩასაგდებად!

ამიტომ გვმართებს განსაკუთრებული სიფრთხილე!", - წერს მძინარაშვილი.

სხვა სიახლეები:

🔵 "დაბომბვისგან მიღებული კანტუზიის გამო დააწვინეს" - ირაკლი ოქრუაშვილი თანამებრძოლის შესახებ

🔵 "რუსმა ოკუპანტებმა დონეცკის ოლქის ქალაქი ვოლნოვახა აიღეს" - უცხოური მედია

🔵 რუსეთის საელჩოს მორიგი "თავდასხმა" საბერძნეთს - მარიუპოლელი ბერძნები ამბობენ, რომ "რუსები არ ესვრიან მშვიდობიან მოსახლეობას"