"რა ომი შეიძლება მინდოდეს მე. თბილისში ცხოვრობენ ჩემი უსაყვარლესი შვილი ნიკუშა და ჩემი განსაკუთრებული ქალიშვილი ალისა" - სააკაშვილი

საქართველოს მესამე პრეზიდენტი მიხეილ სააკაშვილი ირაკლი ღარიბაშვილის განცხადებას ეხმაურება.

როგორც სააკაშვილის წერს იგი უტიფრობას უწოდებს განცხადებებს იმის შესახებ, რომ მას შეიძლება საქართველოში ომი უნდოდეს.

"რა ომი შეიძლება მინდოდეს მე.

თბილისში ცხოვრობენ ჩემი უსაყვარლესი შვილი ნიკუშა და ჩემი განსაკუთრებული ქალიშვილი ალისა.

რას მეუბნებით, რომ მე ჩემი შვილების სიახლოვეს მინდა რუსული რაკეტა ჩამოვარდეს??

კარგით რა!...

ყველანაირ უტიფრობასაც ხომ უნდა ჰქონდეს საზღვარი", - წერს მიხეილ სააკაშვილი ფეისბუკში.

ირაკლი ღარიბაშვილმა 27 აპრილს განაცხადა, რომ:

"დღეს ხელისუფლებაში სააკაშვილი რომ ყოფილიყო, აქ იქნებოდა ომი, აქ მოაწყობდნენ მეორე მარიუპოლს, ეს იყო განზრახვა და მე მინდა მთავარი კითხვა დაგისვათ, რატომ ჩამოვიდა სააკაშვილი საქართველოში?

ჩამოვიდა ერთი მიზნით, რომ მოეხდინა დესტაბილიზაცია ქვეყანაში, რევოლუცია, მასობრივი მკვლელობები, მათ შორის ოპოზიციური ლიდერების და მოეხდინა გადატრიალება.

ეს, რა თქმა უნდა, ოკუპირებულ ქვეყანაში ნიშნავდა ახალი ომის დაწყებას.

გესმით, რამხელა ბინძურ პროვოკაციას აგარიდეთ, მაგალითად, თქვენ და ყველა", - განაცხადა საქართველოს პრემიერ-მინისტრმა, ირაკლი ღარიბაშვილმა.

ასევე დაგაინტერესებთ:

📍ღარიბაშვილი: ბიძინა ივანიშვილს რომ არ მოეშორებინა ეს ანტიეროვნული ძალა სააკაშვილის მეთაურობით, დღეს აქ იქნებოდა მეორე მარიუპოლი

📍"არ მჯერა, რომ კვდები, როგორც არც ის მჯეროდა, რომ შიმშილობდი და როგორც ის არ მჯეროდა, რომ ჩამოხვიდოდი“ - ჩერგოლეიშვილი სააკაშვილს ვრცელ წერილს უგზავნის