„როცა შენს სამშობლოში ბავშვები შიმშილობს, უფულობის გამო ვერ მკურნალობენ, ეს ქველმოქმედება მშვიდობიანობის დროს რატომ არ გახსენდებათ?“ - ნინო კვაჭანტირაძე

უკრაინაში, რუსეთის მიერ განხორციელებულმა სამხედრო იერიშმა, დანარჩენ მსოფლიოსთან ერთად, არაერთ ქართველს შეუცვალა ცხოვრება.  საქართველოს მოსახლეობის უმრავლესობა, მხარს უჭერს უკრაინას და თავიანთ პოლიტიკურ ნებაზე საჯაროდ საუბრობენ. ომის პარალელურად, ადამიანები იმ საკითხებზე მსჯელობენ, რომელიც, ასევე მწვავედ დგას ჩვენი ქვეყნის რეალობაში.

იურისტი ნინო კვაჭანტირაძე, მორიგ წერილს აქვეყნებს: 

„30 ვერცხლად გავყიდეთ მაცხოვარი, ახლა 30 ლარად ვყიდით სამშობლოს. სიმბოლურია, მაგრამ ფაქტია. ბინადრობის უფლების მოსაპოვებლად რუსებს მოწმეებად უდგებიან ქართველები, ბინებს აცლევინებენ სასწრაფო წესით ქართველებს, რადგან რუსები ორმაგს უხდიან, განა რად გიღირს ეს ფული ქართველო?

უკრაინის მხარდასაჭერად აქციაზე რომ დადიხარ, facebook-ში დროშებს აფრიალებ, რატომ გავიწყდება მაგ რუსის ქმარი რომ კლავს ბავშვებს, მოხუცებს, ორსულებს უკრაინაში!

უკრაინაში ომია და დაირაზმა ,,ბომონდი" მშვილებლებად, ექიმები უფასოდ სამკურნალოდ, საკვები შევაგროვეთ, ვაგზავნით, სახლ-კარს ვთავაზობთ ომისგან დაზარალებულებს. სანაქებო საქციელია გეფიცებით, მაგრამ როცა შენს სამშობლოში შიმშილობს ბავშვები, უფულობის გამო ვერ მკურნალობენ, უსახლობის გამო ქუჩაში რომ სძინავთ მოხუცებს, ეს ქველმოქმედება მშვიდობიანობის დროს რატომ არ გახსენდება?

საკუთარ ქვეყანაში, შენ ცხვირწინ რომ ხდება, მაშინ რატომ ვერ ხედავ ქართველო? ღვთისმშობლის წილხვედრს ალბათ ესეც გამოცდად გვიდგას წინ, ადამიანად ყოფნის გამოცდა. იმედს ვიტოვებ ამ ცოდვების გამო მოგვეკითხება“ - წერს ნინო კვაჭანტირაძე.

აგრეთვე დაგაინტერესებთ:

📌 „შენი დემოკრატიის რა ვთქვი მე, განვითარებულო მსოფლიოვ!“ - თამთა დოლიძე

📌 “კეთილი იყოს, თქვენი მობრძანება ჩემს სამშობლოში, რუსო “ტურისტო“! მავთულხლართებიდან რატო არ გადმოხვედი?!“ - ნინო კვაჭანტირაძე

📌 "მოვრჩეთ გულზე მუშტების ბრახუნს - მე კარგი ვარ და მთავრობაა ცუდი!" - ირინა სარიშვილი

📌 "რუსთავი 2"-დან წამოვედი" - რატომ დატოვა ია ფარულავამ ტელეკომპანია

📌 "რაციონალურმა" ქვეყნებმა, თუ სრული სიცხადით არ დაინახეს რეალობა, გაზი მალე აღარავის დასჭირდება"- ნათია ფანჯიკიძე