"რუსებს დაუძველდათ პროპაგანდისა და ტერიტორიების შემოერთების ლოგიკა, რომელიც ამგვარია..." - რას წერს განათლების სპეციალისტი თამარ მოსიაშვილი

საქართველოს საზოგადოებრივი ინტერესების დაცვის ასოციაციის განათლების სპეციალისტი თამარ მოსიაშვილი სოციალურ ქსელში წერს:

"რუსებს დაუძველდათ პროპაგანდისა და ტერიტორიების შემოერთების ლოგიკა, რომელიც ამგვარია:

1. თავისუფლების მოყვარე ერებს ჯერ ნაციონალისტებად/შოვინისტებად/ნაცისტებად ნათლავენ;

2. თავისუფლების მოყვარე ერებს აბრალებენ ეთნიკური უმცირესობების ჩაგვრას;

3. აფინანსებენ და პროპაგანდით ტვინს ურეცხავენ უმცირესობებს;

4. პროპაგანდისა და პოლიტიკური გავლენის გზით არწმუნებენ გლობალურ საზოგადოებას, რომ ნაციონალისტები/შოვინისტები/ნაცისტები ჩაგრავენ ეთნიკურ უმცირესობებს;

5. აწყობენ თავისუფლების მოყვარე ერის ეთნიკურ წმენდას/გენოციდს;

6. გაწმენდილ ტერიტორიაზე ამყარებენ სამხედრო და პოლიტიკურ კონტროლს.

მაგრამ დღეს ვისაც ეჭვი ეპარება რუსეთის ბოროტ ბუნებაში, მის კოგნიტიურ უნარებში ეჭვი მეპარება და კამათსაც აზრი არა აქვს.

ამ საკითხზე მაინც აღარ მოგვიწევს კამათი არც შინ და არც გარეთ, სახეზეა ეთნიკურად გაწმენდილი აფხაზეთი და სამაჩაბლო.

უკრაინის გამარჯვების იმედი დიდია, ეს კი ბოროტების იმპერიის დამარცხებას ნიშნავს და ბევრი პრობლემის მოგვარებას.

ბოლოს და ბოლოს მშვიდად ცხოვრებასა და განვითარებასაც ნიშნავს", - წერს მოსიაშვილი.

სხვა სიახლეები:

🔵 "ბრძოლის დროს დამეკარგა პირადობის მოწმობა და რუსებს ჩაუვარდა ხელში - რუსული ტელევიზია ავრცელებს ინფორმაციას, რომ ვარ ტყვედ" - ქართული ლეგიონის წევრი

🔵 "საზოგადოება თქვენზე ბევრად ფხიზელია, შეგნებული, მამაცი და რაც მთავარია, ერთიანი" - სალომე ზურაბიშვილი პარლამენტარებს

🔵 არ არსებობს ქალი, რომელიც არ იბრძვის! თუმცა ეს ბრძოლა უიარაღო და უხილავია - ამიტომაც შემოვრჩებით ხოლმე ისტორიის ფურცლებს მხოლოდ მსხვერპლებად