"საქართველო კი ჯერჯერობით უსაფრთხო ზონად რჩება, ბევრი მაქვს ამაზე ნათქვამი, წასული ხალხი უკან ჩამოვა და ასეც იქნება"- გიორგი ლობჯანიძე

ეზოტერიკოსი გიორგი ლობჯანიძე სოციალურ ქსელში ისრაელის მოვლენებთან დაკავშირებით სტატიას აქვეყნებს, რომელსაც უცვლელად გთავაზობთ:

"ბევრი მეკითხებით ახლო აღმოსავლეთის კონფლიქტზე და გეტყვით, რომ ეს წამოწყებული ომი დიდი შანსია, რომ საკმაოდ გაიწელოს და უფრო ფართომასშტაბიანი სახე მიიღოს. თუ რატომ მოგახსენებთ:

პირველ რიგში, ნებისმიერ რიგით მოქალაქეს ისრაელშიც და მთლიანად მაგ მიწებზე ვინც არიან მსურს რომ გამძლეობა ვუსურვო და განსაკუთრებით კი ჩემი ქვეყნის წარმომადგენლებს. ფაქტი ცუდია, რაც მოხდა და არასასიამოვნო.

ახლა, რაც შეეხება ვითარებას: ჯერ გაუგებარია ამხელა ქვეყნის დაზვერვას როგორ არ ჰქონდა ის ინფორმაცია რომ მათ მტერი უახლოვდებოდათ. როგორ მოხდა ასე მოწმენდილ ცაზე ხმელეთიდანაც კი გასროლა მათ ტერიტორიაზე, ეს ამოუხსნელია, საინტერესოა რომ დაწყნარდება მოვლენები რა პასუხს დადებენ. მე ბევრს ვიცნობ ისრაელში და მესმის მათი უკმაყოფილების მიზეზი მთავრობის მიმართ.

ამ ომში ისრაელი აპირებს ღაზას სექტორის ბოლომდე განადგურებას, იქ კი ლამის 2 მილიონი ადამიანი ბლოკადაშია მომწყვდეული, შესაბამისად ძალიან რთულად სავარაუდოა რომ დანარჩენი მუსულმანური სახელმწიფოები ასე ადვილად გაჩუმდებიან. თუ გაჩუმდებიან, მაშინ ამით ისტორიულად საუკუნოვანი ტრადიცია, რასაც ჰქვია არაბული ომის ერთგულება მოკავშირეებისადმი უნდა შეილახოს, რაც არ მგონია ასე ადვილად მოხდეს, თან ჰამასი პირდაპირ ირანისგან ფინანსდება ... 

ისრაელი ძალიან დიდი ალბათობით ტერიტორიულ მთლიანობას მაინც აღადგენს, ოღონდ განვმეორდები თუ კონფლიქტი რეგიონალური გახდა მძიმე შედეგების ფასად, სწორედ ამ მძიმე შედეგების მერე დაიწყება მთავარი, რასაც ჰქვია ახალი გეპოლიტიკური გადანაწილების სისრულეში მოყვანა და რაც მთავარია მოყვანა ,,მაშიახის", რაც ჩემი მოგონილი კი არა, არამედ, ებრაელი ხალხის ნატვრაა და ლამის ყოველი მეორე ამის ძახილშია, ამიტომ ამ შანსს ხელიდან არ გაუშვებს ახლა ისრაელის ამჟამინდელი მთავრობა. 

ძალიან დიდი საჭირბოროტო საკითხის წინაშეა დამდგარი, არა მხოლოდ აღმოსავლეთი, არამედ, თავად მსოფლიო და ამ სიტუაციაში თუ გადაჭრის ფორმა ფიზიკურად ვერ იარსებებს, მაშინ დროთა განმავლობაში საფუძველი ჩაეყრება ებრაელთა მიწიდან ახალ რომს, რომელიც იმ დროისთვის მეეჭვება ასეთ გეოპოლიტიკურ ქაოსში რეალურ მშვიდობამდე მივიდეს. საქართველო კი ჯერჯერობით უსაფრთხო ზონად რჩება, ბევრი მაქვს ამაზე ნათქვამი, წასული ხალხი შექმნილი ფონიდან გამომდინარე უკან ჩამოვა და ასეც იქნება, ეტაპობრივად ნახავთ ყველაფერს". - წერს ლობჯანიძე.