"სხვისი ციტატის ავტორად გამომაცხადეს, აუცილებლად ქარტიას მივმართავ" - ვიკა ბუკია

ჟურნალისტი, ვიკა ბუკია სოციალურ ქსელში პოსტს აქვეყნებს ორი ქალბატონის დიალოგზე, რომელიც შემთხვევით მოისმინა.

"აივანზე ვზივარ ჩემთვის და რომელიღაც აივნიდან მესმის სუპერ-პიზ-ინტელექტუალური დიალოგი:

" - აუ, ვერ ვიტან მეგრულად რომ ლაპარაკობენ. ჯერ ერთი რომ არ გესმის რა პონტია.

– სულ უფრო ცოტა ლაპარაკობსო და ძაან კაი თუ გადაშენდება. საზიზღრობაა

- და სვანური მოგისმენია?

- აუ, კი. დაბრედვაა.”

აი, ამ ორი ინფუზორიას დიალოგს კაი მეგრული ჯგარჯგალი არ ჯობია ახლა? ", – წერს ვიკა ბუკია.

აღნიშნული პოსტი ერთ-ერთმა მედია სააგენტომ გაანიუსა და სათაურად ვიკა ბუკიას ფოტოსთან ერთად დაურთო "აუ, ვერ ვიტან მეგრულად რომ ლაპარაკობენ. სულ უფრო ცოტა ლაპარაკობსო და ძაან კაი თუ გადაშენდება". 

მედიის მიერ სათაურად გამოყენებულ ფრაზას, რომელიც "თითქოს" ჟურნალისტის ციტატად იქნა წარმოდგენილი, საზოგადოების კრიტიკა მოჰყვა...

აღნიშნული კრიტიკის შემდეგ ჟურნალისტმა, კიდევ ერთი პოსტი დაწერა:

"რადგან ინბოქსში მკითხა რამდენიმე ადამიანმა რას ვაპირებ, პატარა განმარტებას გავაკეთებ იმ ციტატაზე რომელიც მომაკერეს :) მიუხედავად იმისა, რომ სხვისი ციტატის ავტორად გამომაცხადეს (ამაზე ცალსახა და მკაფიო ტყუილი რა უნდა ეთქვათ), მე აუცილებლად ქარტიას მივმართავ, მაგრამ აი, სასამართლოს - არა.

მადლობა იმ ადამიანებს ვინც გამოთქვა სურვილი სარჩელი მოამზადოს.

უბრალოდ, ისეთ ქვეყანაში რა ქვეყანაშიც ჩვენ ვცხოვრობთ ძალიან სახიფათოა ნებისმიერი მსგავსი ტიპის პრეცედენტის შექმნა (თუნდაც ამ ერთი შეხედვით მეტად უმნიშვნელო ამბიდან).

დაახლოებით ვხდები რა განზოგადება შეიძლება მოყვეს სიტყვას “ცილისწამება” ქვეყანაში, სადაც ერთი სული აქვთ პირი მოგვიკუმონ".

ასევე დაგაინტერესებთ:

* "მაშინა ვრემენისა" და მაქსიმ გალკინის კონცერტების ჩაშლა არის რუსეთის გზაზე დამდგარი ხელისუფლების მიერ ჩადენილი ამორალური აქტი - რომან გოცირიძე

* რა გელოდებათ დღეს? - 3 აგვისტოს ასტროლოგიური პროგნოზი