"სულ მალე, იყო რუსი იქნება იგივე, რაც ყოფილიყავი გერმანელი გასული საუკუნის 40-იან წლებში -  ვერ გიტანდა ვერავინ"

სამოქალაქო აქტივისტი ნინო ბექაური უკრაინის ირგვლივ განვითარებულ მოვლენებზე წერს და ოკუპანტი რუსეთის დამარცხებას პროგნოზირებს:

"მალაიზიური ბოინგის ჩამოგდების შემდეგ, შენდეროვიჩმა თქვა რომ მალე დადგება დრო, როდესაც რუსებს სახეში შეაფურთხებენ, მხოლოდ და მხოლოდ იმის გამო რომ ისინი რუსები არიან  და როდესაც ეს დღე დადგება, ეს არც ცუდი იქნება და არც კარგი, ეს იქნება უბრალოდ ასე.

C'est la vie.

8 წლის შემდეგ, ეს დღე დადგა.

სულ მალე, იყო რუსი იქნება  იგივე,  რაც ყოფილიყავი გერმანელი გასული საუკუნის 40-იან წლებში -  ვერ გიტანდა ვერავინ და არავინ იწყებდა იმის გარკვევას ფაშიზმს ემხრობოდი, თუ ემიჯნებოდი.

რუსებს ვერ გადაარჩენს ვერც ჩვენი სტუმართმოყვარეობა,  ვერც  თავიდან გააზრებული ვაჟა-ფშაველა, ვერც დასტაევსკი, ვერც მალევიჩი.  

ისინი გერმანელების ბედს გაიზიარებენ, სანამ მათსავით სრულად არ გაიაზრებენ რა ჩაიდინეს და თავის თავში  ბოლომდე არ დაამარცხებენ ფაშიზმს.

ასე რომ, ვინც ახლა მოგუდულში ურცხვად ახლაფორთებს სიტყვებს "კი, მაგრამ" და ჰგონია რომ ვერავინ ხედავს ან ვერავინ ხვდება მათ უინტელექტო ხიტრაჟოპობას, იცოდეს რომ რუსებს მიყვება საფლავში.

ფაშიზმის მხარდაჭერა კნუტ ჰამსუნსაც კი არ ეპატია თავის დროზე.

სამყარო არასდროს  ყოფილა ასეთი შავ-თეთრი.

არ არის აღარანაირი მაგრამ...

რუსეთუმეები გაგვინაწყენდნენ.

განვითარების ნებისმიერ ეტაპზე, ადამიანს უნდა საკუთარ თავს პატივს სცემდეს.

ჩვენ კი ვეუბნებით, რომ ბავშვთა მკვლელების და მწამებლების გვერდით დგანან და იმის მაგივრად რომ ეს გადაიაზრონ (რომელი გიუნტერ გრასები ეგენი მყვანან პრინციპში, ეგ რომ გადაიაზრონ) იმას ესხმიან თავს, ვინც სარკეში ახედებთ.

მოკლედ, არაფერი ახალი.

ბოლო კვირაში, ჩემი ბევრი ფრენდი დაარეპორტეს, ვინც რუსების მიერ ჩადენილ  არაადამიანურ დანაშაულზე წერდა. ალბათ, მეც ეგ ბედი მელის.

ფეისბუკი, დასავლური პოლიტკორექტულობის მსგავსად, პალმის ქვეშ ზის და ბლომანჟეს ჭამს.

ძვირფასებო, გვიანი იქნება როდესაც ამ ბლომანჟიდან თავს ამოჰყოფთ, უკვე თქვენი თვალით დაინახავთ ყველაფერ იმას, რასაც აქამდე მხოლოდ კითხულობდით....",- წერს ნინო ბექაური. 

ასევე დაგაინტერესებთ:

📍 "სასწრაფოდ ველოდებით საჯარო ბოდიშს მთელი უკრაინელი ერის და ბუჩაში დაღუპული ბავშვების წინაშე!" - ვანო ნადირაძე ანრი ოხანაშვილს

📍 "რასაც პუტინი უკრაინაში სჩადის, ჩემთვის გენოციდს არაფრით ჩამორჩება" - ბორის ჯონსონი