"უკანასკნელი მკვლელობა ხუთი წლის წინ ნიუ იორკში ჩავიდინე" - რას წერს ნათია ფანჯიკიძე

ფსიქოლოგი, ფსიქო - ცენტრ "კამარას" დამფუძნებელი ნათია ფანჯიკიძე წერს:

"უკანასკნელი მკვლელობა ხუთი წლის წინ ნიუ იორკში ჩავიდინე, ავტობუსისხელა ტარაკანა მოვკალი, რომელმაც ჩემი ტერიტორიული მთლიანობა უხეშად დაარღვია.

ძრწოლამ რომ გადამიარა და დავხედე, უსულოდ როგორ ეგდო, დავიფიცე, რომ აღარასდროს ჩავიდენდი მკვლელობას, რასაც აქამდე პირნათლად ვასრულებდი.

ახლა კი რა ხდება - რამდენი დაადუღეს? ამდენი ათასი? - ცოტაა!!!

ცოტაა!!!! - განგაში მაქვს, მეცოტავება...

აი ესაა ომი და ვინც ნაზი ხმით გმობს ამ ბოროტებას, რომელიც გვასახიჩრებს მაშინაც, თუ მართლები ვართ, გვასახიჩრებს მაშინაც, თუ ცოცხლები გადავრჩებით, კაცობრიობის წინაშე ისეთივე დამნაშავეა, როგორიც პუტინი.

არა შუა საუკუნეებში, არამედ მეოცეში, გუშინ დავამარცხეთ ჰიტლერი და სრულიად ცოცხალ მეხსიერებაში გვაქვს, რა ფასი აქვს დუმილს, ბოროტების მორჩილებას და მით უმეტეს, მასთან კოლაბორაციას და მაინც, ცივილიზებულ ხალხებს შორის დღესაც უამრავია, ვინც დუმს და ელის საით გადაიხრება სასწორი", - წერს ნათია ფანჯიკიძე.

რუსეთი უკრაინაში 24 თებერვალს შეიჭრა და ამ დრომდე ფართომასშტაბიან ომს ატარებს.

განახლებული სიახლეები უკრაინაში მიმდინარე მოვლენებზე იხილეთ აქ

სხვა სიახლეები:

🔳 ბიძინა კულუმბეგოვი: მესამე მსოფლიო ომის შიშით, ამ შლეგს პუტინს მიუგდეს უკრაინელების და ჩვენი თავი

🔳 „პუტინს გამოქცეულ ადამიანებს თავშესაფარი არ მივცეთ და ლუკმა არ გავუყოთ?!...“ - ქართველი პროფესორი