"ზელენსკი რაკი ებრაელია, დაგეგმილი აქვს პეჩორის ლავრის აფეთქება, რასაც რუსები არაფრის დიდებით არ დაუშვებენ" - რას წერს გურამ მეგრელიშვილი

მწერალი გურამ მეგრელიშვილი სოციალურ ქსელში წერს:

"ეს დღეებია რუსულ არხებს ვუყურებ ევროპულის პარალელურად, ჰოდა რაც გავიგე, გიზიარებთ:

1: ფაშისტური უკრაინა ვერაგულად დაესხა თავს რუსეთს.

2: უკრაინის მოსახლეობის დიდი ნაწილი პრო-რუსულია, რომელთაც, როგორც თავის დროზე ნაცისტები ებრაელებს, მცირერიცხოვანი ლიბერალი ფაშისტები ჩაგრავენ. არ აჭმევენ, აშინებენ, აუპატიურებენ და კლავენ.

3: სწორედ მათ დასაცავად(აც) პუტინმა უკრაინას ჯარი დაახვედრა.

4: რუსის ჯარი შედის ქალაქებში (ნახევარი უკრაინა დაიკავა), მოხუცებს გზაზე გადასვლაში ეხმარება, დაჭრილებს მკურნალობს, მიცვალებულთა სულებისთვის ლოცულობს, დანგრეულ შენობებს აღადგენს და სანტექნიკასაც კი შეუკეთებს ხოლმე რომელიმე "ხახოლს".

5: უკრაინა საკუთარ ქალაქებს ბომბავს, რომ რუსებს დააბრალოს. ისინი მოსახლეობას იყენებენ ფარად, ამიტომ რუსი ტყვიის ნაცვლად შიშველი ხელით ცდილობს ხალხის გადარჩენას.

 6: უკრაინის მხარეს მტერი, ლიბერალი და აბსულუტური უმრავლესობის ჰომოსექსუალისტი იბრძვის.

7: ზელენსკი რაკი ებრაელია, დაგეგმილი აქვს პეჩორის ლავრის აფეთქება, რასაც რუსები არაფრის დიდებით არ დაუშვებენ.

8: უკრაინის დასავლეთში ამერიკისა და ევროპის ჯარების მობილიზება შეინიშნება, ისინი ციმბირამდე აპირებენ შეჭრას, ამიტომ თავმოყვარე რუსმა თავი უნდა დაიცვას.

9: კუანა ჯოს რუსის ეშინია. მთელ მსოფლიოს ეშინია, მაგრამ როგორც ლომს აფთრები, გარს შემოეხვივნენ.

10: რაკი რუსეთს უფრო გრძელი ატომი აქვს, ვიდრე სხვებს, ეკონომიკურ ზეწოლას მიმართეს და სურთ, რომ პენსია და ხელფასი აღარ გაიცეს.

11: ამ ზეწოლის შედეგად, მსოფლიოში პურის ფქვილი გათავდა, მანქანები ვეღარ მოძრაობენ და ეს იმ პირობაში, რომ რუსეთს ჯერ თავის სანქციები არ აუმოქმედებია, რადგან ქრისტიანები არიან.

12: ქრისტიანობის გახსენებაზე, თუ რუსეთი შეირყა, მსოფლიოში ანტიქრისტე გაბატონდება.

13: უკრაინელი დედები (ვისი შვილებიც შეაცდინეს) რეკავენ მოსკოვში და ითხოვენ მათი შვილებისა და ოჯახების გადარჩენას (ინტერვიუები უკრაინელ ქალებთან)

14: ცოტა ხანში, მსოფლიო აქეთ შეეხვეწება რუსეთს გახსნას მათთვის ბაზარი, რადგან კომპანიები გაკოტრდებიან.

15: ქვეყანაში ბევრი ჩანერგილი ლიბერალი მტრის აგენტია. დროა მათი გამოაშკარავება და სამაგალითოდ დასჯა.

16: პუტინის წინააღმდეგ გამომსვლელებს უნდა მიესაჯოთ 12-15 წელი.

17: გენერალი სუხოვეცკი უკრაინელ ბავშვს გადაეფარა, როცა დუშმანი, ანუ ისევ უკრაინელი უპირებდა მოკვლას და ვიდეოს გავრცელებას ინტერნეტში.

18: ქვეყანა უნდა დაფიქრდეს სიკვდილით დასჯის აღდგენაზე, რათა გაიწმინდოს თავი და იხსნას მსოფლიო.

 19: არ იქნება პუტინი, არ იქნება რუსეთი.

რუსეთში 145 მილიონი ადამიანი ცხოვრობს.

გაითვალისწინეთ, რომ მეექვსედს მაინც არათუ ინტერნეტი, ტელევიზორიც არ აქვს და ინფორმაციას სხვისი მოყოლილიდან იგებს სოფლის ბირჟაზე",- წერს მეგრელიშვილი.

სხვა სიახლეები:

📍8 მარტიდან რუსული ავიაკომპანია "აეროფლოტი" საერთაშორისო ფრენებს აჩერებს

📍რუსული მხარე არ იცავს "დუმილის რეჟიმს" და განაგრძობს მარიუპოლის დაბომბვას - ევაკუაცია გადაიდო