"მზად ვართ ქართველ ფრენბურთელებთან და კლუბებთან თანამშრომლობისთვის" - გაიცანით ნეაპოლის ფრენბურთის კლუბი "Team Volley Napoli"
![](https://exclusivetv.ge/uploads/files/2023/12/29/21535/sporti_w_h.jpeg)
Exclusivetv.ge აგრძელებს სპორტულ-საინფორმაციო პროექტს, რომლის მიზანია ახლოს გააცნოს ქართველ ემიგრანტებს, ქართველ სპორტსმენებს, სპორტში მოღვაწე ადამიანებს თუ სხვა დაინტერესებულ პირებს იტალიის და ზოგადად ევროპის სპორტული ცხოვრება, კლუბების განვითარების და აკადემიების ფუნქციონირების ეტაპები, ინფრასტრუქტურა, ორგანიზაციული მოწყობა, სპონსორებთან ურთიერთობის გამოცდილება.
ჩვენი ჟურნალისტები, ალექსანდრე ნიქაბაძე და ია ლალუაშვილი, ამჯერად ნაპოლის მამაკაცთა ფრენბურთის კლუბს "Team Volley Napoli" ეწვივნენ, დაესწრნენ მათ მორიგ კალენდარულ მატჩს "Siani"-ს დარბაზში და გაესაუბრნენ კლუბის წარმომადგენლებს.
იტალია ფრენბურთის ტრადიციული ქვეყანაა, მამაკაცთა შორის მოქმედი მსოფლიოს ჩემპიონია, ისე კი ოთხგზის მსოფლიოს და 7-გზის ევროპის ჩემპიონატის გამარჯვებულია, ასევე 8-ჯერ აქვს მოგებული მსოფლიო ლიგა. ამიტომ გასაკვირი არაა, რომ იტალიის ყველა ქალაქში თუ დასახლებულ პუნქტში ფრენბურთის განსაკუთრებული სიყვარულით გამოირჩევიან და ინფრასტრუქტურაც შესაბამისად განვითარებულია.
"Team Volley Napoli" ახალგაზრდა კლუბია, 2016 წელს დაფუძნდა. კლუბს აქვს თავის ფილოსოფია-"ერთად ჩვენ შეგვიძლია", რომელიც არის მათი მოქმედებისა და ამბიციური მიზნის მიღწევის-სუპერლიგაში დაწინაურების გზა.
ამჟამად ნეაპოლელები რანგით მესამე ლიგაში-Seria A3-ში ასპარეზობენ და წელს მათი მთავარი მიზანი ლიგაში ადგილის შენარჩუნებაა. კლუბის სტრუქტურა მიუხედავად დაბალ ლიგაში ასპარეზობისა, მთლიანად აწყობილია უმაღლეს დონეზე სპორტული და ორგანიზაციული საქმიანობის კუთხით.
როგორც კლუბის წარმომადგენელმა, ფულვიო ესპოზიტომ განგვიცხადა კომპანია "Volley World"-თან თანამშრომლობის ფარგლებში მათ სხვადასხვა დარბაზებში გაერთიანებული ჰყავთ 700-მდე ბავშვი, რომლებიც ფრენბურთის თანამედროვე სისტემით ვარჯიშობენ და მალე ელოდებიან ძირითადი გუნდის შემადგენლობის შევსებას ადგილობრივი კადრებით.
კლუბს ჰყავს გენერალური სპონსორი, ასევე მათ გვერდით დგას რამდენიმე მსხვილი, საშუალო თუ დაბალი შემოსავლის ადგილობრივი და საერთაშორისო ბიზნესი, რომლებიც მთლიანად უზრუნველყოფენ მათ ფინანსურ დამოუკიდებლობას და კლუბში დასაქმებული პერსონალის გამართულ მუშაობას, ფრენბურთელების უმაღლეს სამედიცინო და სარეაბილიტაციო მომსახურებას.
სერია-A3-ის მორიგ ტურში, 26 დეკემბერს "ნაპოლი"-მ "სორენტო" -ს უმასპინძლა. "Siani"-ს დარბაზი მატჩის დაწყებამდე მთლიანად შეივსო და თითქოს ჩვეულებრივ კალენდარულ თამაშზე, მით უმეტეს საშობაო დღესასწაულის ფონზე, კიდევ ერთხელ ნათლად გამოჩნდა როგორ უყვართ სპორტი იტალიაში, როგორ პატივს სცემენ თავიანთ საყვარელ გუნდს და ბოლომდე მხარში უდგანან.
მატჩი დინამიკური, სასიამოვნო საყურებელი გამოდგა, მიუხედავად უფრო გამოცდილი სტუმართა გუნდის უპირატესობისა, ნეაპოლელებიც ბოლომდე იბრძოდნენ, განსაკუთრებით მეორე პერიოდში მარკო ჩეფარიელოს კარგი თამაშის წყალობით რამდენჯერმე შეძლეს დაწინაურება, მაგრამ საბოლოოდ სამივე პერიოდი "სორრენტო"-ს გამარჯვებით დასრულდა-19:25, 24:26, 21:25. ბრწყინვალე იყო სტუმართა ტანმაღალი ფრენბურთელი დავიდ სზაბო, რომელიც ყველა გადამწყვეტ მომენტში უშეცდომოდ გაისარჯა და მნიშვნელოვანი ქულები მოუპოვა თავის გუნდს.
მატჩის შემდგომ პრესკონფერენციაზე, "ნაპოლი"-ს მთავარმა მწვრთნელმა სერჯიო კალაბრეზემ დანანებით აღნიშნა: "საკუთარ კედლებში თამაშის და დარბაზში შექმნილი შესანიშნავი გარემოს მიუხედავად, ძლიერმა მოწინააღმდეგე არ მოგვცა ჩვენი შესაძლებლობების გამოვლენის საშუალება. მწარე მარცხი ვიწვნიეთ, მაგრამ ასეთ დონეზე თამაშის დროს ზოგჯერ უძლურები ვართ, მთავარია არ შევწყვიტოთ განვითარების ის ტემპი, რომელსაც ჩვენი კლუბი ადგას და მარცხისგან სწორი დასკვნები გამოვიტანოთ".
ლაივ-პრესკონფერეციაზე ჩვენი ჟურნალისტი ია ლალუაშვილი მიიწვიეს რესპონდენტის ამპლუაში, რომელმაც ისაუბრა Exclusivetv.ge-ს აღნიშნულ პროექტზე, იქვე შედგა შეთანხმება "ნაპოლი"-ს საშინაო თამაშებზე ჩვენი ჟურნალისტების მუდმივი აკრედიტაციის თაობაზე, ასევე გამოითქვა სურვილი ქართული ფრენბურთის კლუბებთან კონტაქტების დამყარების და შემდგომი თანამშროლობის, ქართველი ფრენბურთელების და ფრენბურთში მოღვაწე პირების სტაჟირება-გადამზადების.
Exclusivetv.ge გააგრძელებს ამ ახალ პროექტს, უფრო მრავალფეროვან და საინტერესო ინფორმაციებს შემოგთავაზებთ, ასევე ყველა დაინტერესებულ ქართველ სპორტსმენს, კლუბს თუ სპორტში მოღვაწე პიროვნებას ხელს შევუწყობთ იტალიის, ევროპის ამ ერთ-ერთი ყველაზე სპორტული ქვეყნის, კლუბებთან და სპორტულ ასოციაციებთან კავშირების დამყარებასა და სხვადასხვა ერთობლივი პროექტების განხორციელებაში.
26 დეკემბერი 2023
დარბაზი "Siani", მაყურებელი: 500
ფრენბურთი, იტალიის სერია A3
"QuantWare Napoli" - "Shedirpharma Sorrento" 0:3 (19:25, 24:26, 21:25)
"ნაპოლი" : ქუარანტელი, საკონე, სტარაჩე, ლეონზე, მონდა, კალაბრეზე, მალაგა, ჩეფარიელო, არდიტო, სულისტა, მარტინო, პისკოპო, მატანო, მონტო, პიკოლო.
მთ.მწვრთნელი: სერჯიო კალაბრეზე
"სორენტო": პონტეკორვო, რიჩი მაკარინი, გარჯიულო, პილოტო, პიედეპალუმბო, დისაბატო, დენძა, სზაბო, პროსპერი ტურრი, ბელუჩი, გაროფოლო, გრიმალდი, გოძო, კავასინი, კარკანი, იმპერატორე.
მთ.მწვრთნელი: ფრანჩესკო რაკანიელო
სპეციალურად Exclusivetv.ge-სთვის:
ალექსანდრე ნიქაბაძე
ია ლალუაშვილი
1725729684
სპორტიგიორგი ჩაკვეტაძემ ჩეხებს რიგით მეორე გოლი გაუტანა - ანგარიში 2:0
გიორგი ჩაკვეტაძემ ჩეხებს რიგით მეორე გოლი გაუტანა - ანგარიში 2:0. მანამდე კი ხვიჩა კვარაცხელიამ 11-მეტრიანი პენალტით ანგარიში გახსნა. თამაში მიხეილ მესხის სახელობის სტადიონზე იმართება. საქართველოს ერ...
1725727450
სპორტიხვიჩა კვარაცხელიამ ჩეხებს გოლი გაუტანა
ხვიჩა კვარაცხელიამ ჩეხებს გოლი გაუტანა - ანგარიში გაიხსნა. 1:0 ქართველთა სასარგებლოდ. თამაში მიხეილ მესხის სახელობის სტადიონზე იმართება. საქართველოს ეროვნული ნაკრების შემადგენლობაში არიან მამარდაშვილი...
1725722193
ახალი ამბებიავარია თუშეთში - დაღუპულია ერთი ადამიანი
თუშეთის გზაზე ავტოსაგზაო შემთხვევა მოხდა. ავარიას ერთი ადამიანი ემსხვერპლა. გავრცელებული ინფორმაციით, საწვავმზიდს ერთ-ერთი მობილური კავშირგაბმულობის კომპანიის ანძისთვის საწვავი მიჰქონდა, რა დროსაც ის...
1725719181
სპორტისაქართველო - ჩეხეთის მატჩის დაწყებამდე, ევროპის ჩემპიონატის თანაბომბარდირი გიორგი მიქაუტაძე კუთვნილ ჯილდოს მიიღებს
დღეს, საქართველო - ჩეხეთის მატჩის დაწყებამდე, ევროპის ჩემპიონატის თანაბომბარდირი გიორგი მიქაუტაძე კუთვნილ ჯილდოს მიიღებს. ინფორმაცია ეროვნული ნაკრების ოფიციალურ ფეისბუკ გვერდზე ვრცელდება. გიორგი მიქა...
1725708925
საზოგადოებასაგანგებო სიტუაციების მართვის სამსახურმა 31 ახალი ევროპული სახანძრო ავტომანქანა შეიძინა
შინაგან საქმეთა სამინისტროს საგანგებო სიტუაციების მართვის სამსახურმა თანამედროვე ევროპული სტანდარტების „ივეკო მაგირუსის“ 31 ახალი სახანძრო ავტომანქანა შეიძინა, რომელთა გადმოცემა ეტაპობრივად განხორციე...