დიდხანს ვიყავი ჩუმად! ჩვენ ნახტომებით მივექანებით პირდაპირ ჯოჯოხეთისკენ! - აგუტინ-ვარუმის ვარსკვლავური წყვილი ომის წინააღმდეგ

რუსეთის მიერ წამოწყებულ ომს, რუსული  კულტურის სხვადასხვა სფეროში მოღვაწე ადამიანები, სხვადასხვაგვარ შეფასებას აძლევენ.

მათი დიდი ნაწილი პუტინის საოკუპაციო რეჟიმს მხარს უჭერს, თუმცა არიან გამონაკლისებიც.

უკრაინის წინააღმდეგ დაწყებული ომის მიმართ, საკუთარი პროტესტი, სოციალურ ქსელში გამოხატა რუსული ესტრადის ვარსკვლავურმა წყვილმა ლონიდ აგუტინმა და ანჟელიკა ვარუმმა.

ლეონიდ აგუტინი საკუთარ ინსტაგრამ გვერდზე წერს, რომ დიდი თამაშის ყველა მონაწილის პოლიტიკური ამბიციებისთვის სხვა გზა უნდა გამოინახოს, რათა ადამიანების ხოცვა შეწყდეს.

„სრული გამოფიტვის 6 დღე. შიშისა და დაბნეულობის 6 დღე. საშინელებისა და ტრაგედიის 6 დღე. ღმერთმა იცის, მე ყოველთვის ჩემი ქვეყნის პატრიოტი ვიყავი. ვიყავი წარსულში,  ვარ აწმყოში და მომავალშიც ვიქნები. მე თვითონ მეჭირა ხელში ავტომატი და ვიცავდი ჩემი სამშობლოს საზღვრებს, მათ შორის უკრაინასთან. მე არ ვაპირებ პოლიტიკური ლოზუნგების წარმოთქმას. არ ვაპირებ სიტუაციის ანალიზს. ეს ყველაფერი წარსულშია. მე არ ვითხოვ, ვის სჭირდება ჩემი მოთხოვნები. გევედრებით-შეაჩერეთ ომი! შეთანხმდით! ყოველი ახალი დღე ნიშნავს - დაღუპულ ჩვენს ბიჭებს, უკრაინის მოქალაქეების. მილიონობით დანგრეულ ბედს, ორივე მხრიდან. მათ ტკივილს, წყენას, შიშს და დამცირებას. დიდი თამაშის ყველა მონაწილის პოლიტიკური ამბიციებისთვის სხვა გზა უნდა გამოინახოს. მან ამოწურა საკუთარი თავი! დიდი ხანია!“,-წერს, ლეონიდ აგუტინი.

 

 

 

 

 

View this post on Instagram

 

 

 

 

 

 

 

 

 

 

 

A post shared by Леонид Агутин (@agutinleonid)

ომის წინააღმდეგ გამოდის, აგუტინის მეუღლე, ანჟელიკა ვარუმიც. რუსული ესტრადის ვარსკვლავი, ინსტაგრამის საკუთარ გვერდზე ვრცელ პოსტს აქვეყნებს, რომლითაც ომში ჩართულ მხარეებს მოლაპარაკებებისა და ზავისკენ მოუწოდებს.

„დიდხანს ვიყავი ჩუმად. მე უკვე აღარ ვარ იმ ასაკში, როცა მხოლოდ იმიტომ ყვირიხარ მსოფლიოს გასაგონად-მე ომის წინააღმდეგი ვარ, რომ ქულები  დავწერო, ან თავი მოვიწონო უმრავლესობის წინაშე. ნებისმიერ საღად მოაზროვნე ადამიანს ესმის, რომ წინააღმდეგია.

მაგრამ მე ვალდებული ვარ გავაანალიზო, თუნდაც იმიტომ, რომ  ჩემმა შვილებმა იცხოვრონ ღია თვალებით, რათა ისინი არავინ გამოყენოს საზარბაზნე ხორცად.

მეგონა, რომ ისტორიის გაკვეთილები, ყველა წიგნი, რომელიც ომზე და მის წინაპირობებზეა დაწერილი, აღარასდროს მოგვცემდა საშუალებას, რომ იგივე გაგვევლო. მაგრამ არა! თურმე, ყველაფერი შესაძლებელია!

განურჩევლად მიმდინარე მოვლენების შედეგისა, ჩვენ ნახტომებით მივექანებით პირდაპირ ჯოჯოხეთისკენ! უფრო სწორედ, საერთო საკაცობრიო სტანდარტებით ჩვენ უკვე ჯოჯოხეთში ვართ! ვინ არის დამნაშავე, შთამომავლები განსჯიან, თუ რა თქმა უნდა გადარჩებიან...

ვუსამძიმრებ დაღუპულთა ოჯახებს.

ჩემი მოთხოვნა ორივე ქვეყნის ლიდერების მიმართ არის დაუყოვნებლივ დასხდნენ მოლაპარაკებების მორიგი რაუნდისთვის! შუამავლების გარეშე!!! ეს ჩვენი საქმეა! ეს ჩვენი მოქალაქეების სიცოცხლეა!

გასაგები მიზეზების გამო ვთიშავ კომენტარებს, რომ ბრაზი და აგრესია არ გავამრავლო“,-წერს, რუსული სტრადის ვარსკვლავი, ანჟელიკა ვარუმი.

 

 

 

 

 

View this post on Instagram

 

 

 

 

 

 

 

 

 

 

 

A post shared by Анжелика Варум (@avarum)

ასევე დაგაინტერე­­­­სებთ:

🔵

🔵

🔵