"მადლიერი ვარ იმ გოგოსი და მათი, ვისაც არ ეშინია პროტესტის გამოხატვის" - ზელენსკი

უკრაინის პრეზიდენტმა ვოლოდიმირ ზელენსკიმ მორიგი ვიდეომიმართვა გაავრცელა, სადაც იგი მადლობას უხდის რუსეთის "პირველი არხის" ეთერში ომის საწინააღმდეგო პროტესტის ავტორს.

"მე მადლიერი ვარ რუსეთის იმ მოქალაქეების, რომლებიც არ წყვეტენ მცდელობას სიმართლის გასავრცელებლად.

მათ ვინც იბრძვის დეზინფორმაციასთან და ჰყვება სიმართლეს, მეგობრებს, ახლობლებსა და ნათესავებს უამბობს რეალურ ფაქტებს.

პირადად იმ გოგოს [მადლიერი ვარ], რომელიც შევიდა „პირველი არხის" სტუდიაში ომის საწინააღმდეგო პლაკატით.

მათი ვისაც არ ეშინია პროტესტის გამოხატვის.

ჯერ კიდევ, სანამ თქვენი ქვეყანა საბოლოოდ არ დაუხურავთ დანარჩენი მსოფლიოსგან, რომელიც ძალიან დიდი ჩრდილოეთ კორეად იქცევა, თქვენ უნდა იბრძოლოთ, თქვენ არ უნდა დაკარგოთ თქვენი შანსი", - მიმართა რუსეთის მოქალაქეებს ზელენსკიმ.

რუსეთის სახელმწიფო ტელევიზიის პირველ არხზე პროგრამა „ვრემიას“ პირდაპირ ეთერიში ერთ-ერთმა თანამშრომელმა გადაცემის წამყვანის ზურგს უკან ანტისაომარი პლაკატი გაშალა. მოგვიანებით ცნობილი გახდა, რომ პირი, რომელმაც ომის საწინააღმდეგო აქცია მოაწყო, "პირველი არხის" თანამშრომელია. მისი ადგილსამყოფელი ამ დრომდე უცნობია.

სხვა სიახლეები:

🔵 "ჩვენმა მოიერიშემ ჩამოაგდო ოთხი ვერტმფრენი, ერთი თვითმფრინავი და მტრის საკრუიზო რაკეტა" - უკრაინის გენშტაბი

🔵 სასაცილო და ცინიკურიცაა, ზელენსკის საკუთარ კოლეგას და, მით უმეტეს, მეგობარს ეძახდეს - სააკაშვილი ზურაბიშვილზე