მარიუპოლის რამდენიმე კვარტალს რუსი ოკუპანტები აკონტროლებენ, თუმცა ქალაქი ისევ უკრაინის ჯარების კონტროლქვეშაა - ბოიჩენკო

აღმოსავლეთ უკრაინაში მდებარე სტრატეგიული მნიშვნელობის ალყაშემორტყმულ ქალაქ მარიუპოლის მერის თქმით, ქალაქში „ათასობით“ ადამიანი დაიღუპა და 2600-მდე საცხოვრებელი სახლის 90%-მდე დანგრეულია ან დაზიანებულია უკრაინაში რუსეთის შეჭრის ერთი თვის განმავლობაში.

ხოლო უკრაინის პრემიერ-მინისტრის მოადგილემ ოკუპირებული ტერიტორიების საკითხებში 27 მარტს განაცხადა, რომ შეთანხმებული ჰუმანიტარული დერეფნებით სარგებლობენ მარიუპოლიდან საკუთარი მანქანებით გაქცეული მშვიდობიანი მოქალაქეებიც, რაც პროგრესს მოასწავებს წინა დღით შექმნილ ჩიხურ ვითარებასთან შედარებით.

როგორც მარიუპოლის მერმა, ვადიმ ბოიჩენკომ თქვა, რუსეთის ჯარები აკონტროლებენ ქალაქის რამდენიმე კვარტალს და ქალაქის სიღრმეში მიიწევენ. მაგრამ, მისი თქმით, მარიუპოლი, რომელიც ომამდე ნახევარ მილიონამდე მეტ მოსახლეს ითვლიდა, ჯერაც „უკრაინის შეიარაღებული ძალების კონტროლქვეშაა“.

„მარიუპოლს სრული ევაკუაცია ესაჭიროება,“ თქვა ბოიჩენკომ უკრაინის საინფორმაციო სააგენტო UNIAN-ისთვის მიცემულ ინტერვიუში.

ბოიჩენკოს სიტყვებით, მარიუპოლის საცხოვრებელი სახლების დაახლოებით 40% ამჟამად საცხოვრებლად გამოუსადეგარია. მისი თქმით, რუსეთის ჯარებმა დაიკავეს ქალაქის გარეუბნები, „ქალაქი ალყაშია და ის მჭიდროვდება.“

პრემიერ-მინისტრის მოადგილემ დროებით ოკუპირებული ტერიტორიების რეინტეგრაციის საკითხებში, ირინა ვერეშჩუკმა თქვა, რომ მიღწეულია შეთანხმება ორ ჰუმანიტარულ დერეფანზე, რათა ფრონტისპირა ქალაქები, მათ შორის მარიუპოლი, დატოვოს მშვიდობიანმა მოსახლეობამ.

ჯერჯერობით არ გავრცელებულა ცნობები იმის თაობაზე, თუ საით მიემართებიან ამ დერეფნებით ლტოლვილები.

ასევე დაგაინტერე­­­­სებთ:

🔵იტალიაში მოგზაურობას ორი წელი რომ გეგმავდა, ჩაფრენიდან მეორე დღეს ნაღვლის ბუშტის შეტევით ყველაზე ბანძ საავადმყოფოში ამოყო თავი - რას წერს ეკატერინე ალფაიძე?

🔵საქართველო არ არის ერთადერთი ქვეყანა, ათწლეულები დასჭირდება დედამიწას, რომ დაუბრუნდეს მშვიდობას - დომენიკ მანგო

🔵ლვოვის ოლქში დააკავეს 2 ადამიანი, რომლებიც უკრაინელი სამხედროების გადაადგილებაზე რუსებს აწვდიდნენ ინფორმაციას