ოკუპანტებმა ლვოვში აეროპორტთან ახლოს თვითმფრინავების სარემონტო ქარხანა დაბომბეს

18 მარტის დილით ლვოვში რამდენიმე აფეთქება გაისმა.

ქალაქის მერმა, ანდრეი სადოვიმ განაცხადა, რომ რაკეტები აეროპორტის მახლობლად ჩამოვარდა.

"რაკეტები ლვოვის აეროპორტის მიმდებარე ტერიტორიაზე ჩამოვარდა.

ჩვენი ATP-1-ის შენობებში ფანჯრები დაზიანებულია. ადგილზე ვითარება დაუზუსტებელია და მოგვიანებით გამოქვეყნდება.

ფრთხილად იყავით, მიჰყევით მითითებებს საჰაერო იერიშის დროს და არ გაავრცელოთ ფოტოები დაბომბვის ადგილიდან", - წერს სადოვი ტელეგრამ არხში.

სადოვიმ მოგვიანებით განმარტა, რომ ჭურვები თვითმფრინავების სარემონტო ქარხანას მოხვდა - განადგურდა შენობები.

"ქარხნის აქტიური მუშაობა მანამდე შეჩერებული იყო, ამიტომ ამ დროისთვის ადამიანური მსხვერპლი არ არის.

ადგილზე მაშველები და შესაბამისი სამსახურები მუშაობენ", - წერს ქალაქის მერი.

როგორც UNIAN იტყობინება, 13 მარტის ღამეს, ოკუპანტებმა რაკეტები გაისროლეს ლვოვის რეგიონში სამშვიდობო და უსაფრთხოების საერთაშორისო ცენტრის მიმართულებით (იავოროვსკის სამხედრო პოლიგონი).

საჰაერო დარტყმა განხორციელდა შავი და აზოვის ზღვების წყლებიდან. მთლიანობაში, დამპყრობლებმა 30-ზე მეტი რაკეტა გაისროლეს. უკრაინის თავდაცვის სისტემამ, რამდენიმე მათგანი ჰაერშივე გაანადგურა.

სხვა სიახლეები:

⬛ ზელენსკი, შესაძლოა, მშვიდობის დარგში ნობელის პრემიის კანდიდატი გახდეს

⬛ ზოგი იხსნის სხვა ადამიანებს, ზოგი კი ცხოველებს, მაგრამ მათ ერთი საერთო აქვთ - თანაგრძნობა

⬛ მოსკოვი დგამს სცენარს, რომ გამოიყენოს ქიმიური იარაღი და შემდეგ უკრაინა დაადანაშაულოს - აშშ-ს სახელმწიფო მდივანი