რა თქვა ვოლოდიმირ ზელენსკიმ რუს ჟურნალისტებთან ინტერვიუში?

კრემლის პოლიტიკის შესახებ

“სამწუხაროდ, იქ ვერ ვხედავ უკრაინის დამოუკიდებლობის გზას. ეს ზოგადად ჩვენი ტრაგედიაა თქვენთან... არსებობს ორი საზოგადოება და უპირველეს ყოვლისა, ესენი არიან ხალხები და შემდეგ მმართველები. მოხდა ეს ტრაგედია - ჩვენი აღქმა თქვენი ხელისუფლების მხრიდან არა როგორც დამოუკიდებელ სახელმწიფოდ, არამედ როგორც ერთგვარ პროდუქტად, როგორც რაღაც დიდი ორგანიზმის ნაწილად, რომლის სათავეშიც რუსეთის ამჟამინდელი პრეზიდენტი ხედავს საკუთარ თავს.
ჩვენ, უკრაინელები თავს არ მივიჩნევთ ატავიზმად. ჩვენ თავს დამოუკიდებელ სახელმწიფოდ მივიჩნევთ - დიდი, ღრმა ისტორიით და ზნეობით. მორალზე და ერთიანობაზე არც არაფერია სათქმელი.
არ ვიცი, რა გავრცელდა და რა ეგონათ იქ, რუსეთში, მაგრამ ალბათ თქვეს, რომ აქ გელოდებით ყვავილებით და ღიმილით; რომ ძალიან ცუდი მდგომარეობაა - მოქმედ პრეზიდენტს არ უჭერენ მხარს, მმართველ პარტიას არ უჭერენ მხარს. ამაში 99,9%-ით ვარ დარწმუნებული, რომ რუსეთის ხელისუფლებას ასე ეგონა.

📌 მარიუპოლის შესახებ

“ქალაქს რუსმა სამხედროებმა ბლოკადა მოუწყეს. მარიუპოლიდან ყველა შესასვლელი და გასასვლელი დაბლოკილია; პორტი დანაღმულია; ქალაქის შიგნით ჰუმანიტარული კატასტროფა ცალსახაა, რადგან საკვებით, წამლითა და წყლით იქ შესვლა შეუძლებელია. რუსი სამხედროები ჰუმანიტარულ კოლონებს ცეცხლს უხსნიან, მძღოლები იღუპებიან - რა ბედი ეწევა ამ ტვირთებს, ვერ გეტყვით.

რუსი სამხედროების შესახებ

“არ ვიცი, მანდ დადეს ფიცი ან აქ დაპირდნენ რაღაცეებს… მაგრამ ბევრი ბავშვია, ვინც არ იცოდა სად მიდიოდა, მაგრამ, რა თქმა უნდა, ბევრი სისულელეებს ლაპარაკობს და შიშისგან იტყუება - არ იცის, რა იქნება. შემდეგ კი როცა ხედავენ, რომ მათ ნორმალურად ექცევიან, რადგან ომია და ეს სხვადასხვანაირად ხდება - ბევრი შოკირებულია.
ჩვენ გვაქვს უამრავი ჩანაწერი რუსი ჯარისკაცების სატელეფონო საუბრების, სადაც ამბობენ: “დღეს ფეხში ვესროლე საკუთარ თავს და პაშამაც რაღაც ასეთი გააკეთა”.

რუსებისადმი დამოკიდებულების შესახებ

მიუხედავად იმისა, რომ პრეზიდენტი ვარ და საკმაოდ პრაგმატული ადამიანი უნდა ვიყო, 24 თებერვლის შემდეგ დამოკიდებულება გაუარესდა. ძალიან გაუარესდა. ემოციური კომპონენტი ურთიერთობისა რუსეთის ფედერაციასთან, ხალხთანაც დაიკარგა. მიუხედავად იმისა, რომ ინტელექტუალურად მესმის, რომ რუსეთში ბევრია უკრაინის მხარდამჭერი - მადლობელი ვარ მათი, რომელიც სამართლიანობისა და უკრაინის მომხრეა... ისინი შეიძლება ზეპირი სიტყვის გარეშე, პატიოსანი ჟურნალისტური შრომის გარეშე, რუსი ადამიანის შინაგანი პოტენციალის გარეშე, სამართლიანობისა და უკრაინის მომხრეა... დიახ, იყოს ის, პირველ რიგში, თავისთვის! დიახ, იყოს ის უსიტყვოდ - რაც იმას ნიშნავს, რომ ის ამ სიტუაციაში უკრაინის მხარეს იქნება, იმიტომ, რომ ჩვენს ტერიტორიაზე ომი კარგს ვერაფერს მოუტანს არც ამ რუს ხალხს. მაგრამ დამოკიდებულებები გაუარესდა მთელ მოსახლეობაში.