სლოვაკეთის საზღვართან მარტო მისული, ატირებული 11 წლის უკრაინელი ბიჭის დედა ცოცხალია

სლოვაკეთის საზღვართან მარტო მისული, ატირებული 11 წლის უკრაინელი ბიჭის დედა ცოცხალია. იულია პისეცკაიამ ინტერვიუ მისცა უცხოურ მედიას, სადაც ამბობს, რომ ატომურ სადგურზე ხანძრის დროს ძალიან შეეშინდა, შვილი მატარებელში ჩასვა და სლოვაკეთში გაამგზავრა ნათესავებთან.

იულია ამბობს, რომ იძულებული გახდა სახლში დარჩენილიყო, რადგან ხანში შესულ დედას ვერ დატოვებდა.

მისივე თქმით, ის ქვრივია და რამდენიმე შვილი ჰყავს.  მან მადლობა გადაუხადა სლოვაკეთის პოლიციას და მთავრობას შვილზე ზრუნვისთვის.

"მე ვარ იული ვისეცკაია ზაპოროჟიდან. მე ვარ ქვრივი და მყავს შვილები. მინდა დიდი მადლობა გადავუხადო სლოვაკეთის მთავრობას ჩემი შვილის ზრუნვისთვის. ისინი დაეხმარნენ ჩემს შვილს მარტო გადაევლო საზღვარი. ჩემი შვილი 11 წლის არის და სლოვაკეთის საზღვრამდე მატარებლით ჩავიდა სადაც მას მესაზღვრეები დახვდნენ და დაეხმარნენ. მასზე იზრუნეს, დააპურეს და ბრატისლავაში მიიყვანეს. მადლობელი ვარ რომ შვილი გადამირჩინეთ".- ამბობს ქალი.

ვიდეოში, რომელმაც მთელი მსოფლიო მოიარა, ჩანს, ატირებული ბიჭი სლოვაკეთის საზღვართან, ხელზე დაწერილი ტელეფონის ნომრითა და ერთადერთი ჩანთით.

სლოვაკეთში მასზე იზრუნეს და ის თავს ახლა კარგად გრძნობს. 

წყარო: ტაბულა

ასევე საინტერესოა:

🔵 კორონავირუსს კიდევ 32 ადამიანის სიცოცხლე ემსხვერპლა, დადასტურდა ინფიცირების 2 783 ახალი შემთხვევა

🔵 რუსმა ოკუპანტებმა, კიევთან მდებარე 1873 წელს აგებულ წმინდა გიორგი ტაძარი დაბომბეს

🔵 „ვინ დაიწყო ომი უკრაინაში“? - თორნიკე რიჟვაძე რუსეთს ვერ ახსენებს