"სტეფან ტარაბალკა არ არის „კიევის აჩრდილი“ და არ ჩამოუგდია 40 თვითმფრინავი - იგი 13 მარტს გმირულად დაიღუპა" - უკრაინული მხარის პირველი განცხადება

გავრცელებული ინფორმაცია "კიევის აჩრდილის" გარდაცვალების შესახებ, რომელიც, სავარაუდოდ, უკრაინის გმირი სტეპან ტარაბალკა იყო, რეალობას არ შეესაბამება.

ამის შესახებ, 30 აპრილის საღამოს უკრაინის შეიარაღებული ძალების საჰაერო ძალების სარდლობის საზოგადოებასთან ურთიერთობის სამსახურში განაცხადეს რომელიც "ტელეგრამ" არხებზე გავრცელდა.

„კიდევ ერთხელ ვთხოვთ უკრაინულ საზოგადოებას, არ უგულებელყოს ინფორმაციის წყაროების გადამოწმება გავრცელებამდე.

უკრაინის გმირი სტეპან ტარაბალკა არ არის „კიევის აჩრდილი“ და არ ჩამოუგდია 40 თვითმფრინავი.

2022 წლის 13 მარტს მაიორი სტეპან ტარაბალკა გმირულად დაიღუპა რუსი ოკუპანტების უპირატეს ძალებთან საჰაერო ბრძოლაში",-  ნათქვამია განცხადებაში.

ამავდროულად, სარდლობამ აღნიშნა, რომ ისეთი ადამიანი, როგორიცაა "კიევის აჩრდილი", არ არსებობს.

"კიევის აჩრდილი" არის ლეგენდარული სუპერგმირი, რომლის ფიგურა შექმნეს უკრაინელებმა!

ეს არის საჰაერო ძალების მე-40 ტაქტიკური საავიაციო ბრიგადის პილოტების კოლექტიური სურათი, რომლებიც იცავენ დედაქალაქის ცას, რომლებიც მოულოდნელად ჩნდებიან იქ, სადაც მათ არ ელიან", - განაცხადეს სამხედროებმა.

პარასკევს, 29 აპრილს, ერთ-ერთმა ყველაზე გავლენიანმა ბრიტანულმა გაზეთმა, The Times-მა გამოაქვეყნა სტატია დედაქალაქის ლეგენდარული "აჩრდილის"-ის შესახებ. გამოცემამ ასეთად მაიორი სტეპან ტარაბალკა დაასახელა, რომელიც საჰაერო ბრძოლაში დაიღუპა.

ამავე თემაზე:

📍The Times: პილოტი მეტსახელად "კიევის აჩრდილი" გასულ თვეს დაიღუპა - მისი ვინაობა ცნობილია

📍"კიევის აჩრდილი" ცოცხალია, ეფესბემ "თაიმსიც" კი შეცდომაში შეიყვანა" - რას წერს ჟურნალისტი თეა ადეიშვილი