თუ ზელენსკი მეორე ვადით არ იყრის კენჭს, საპრეზიდენტო არჩევნებში მივიღებ მონაწილეობას - არესტოვიჩი

ოლექსეი არესტოვიჩის განცხადებით, თუ ვოლოდიმირ ზელენსკი საპრეზიდენტო არჩევნებზე კენჭისყრაში მონაწილეობას არ მიიღებს, არესტოვიჩი საპრეზიდენტო არჩევნებზე თავის კანდიდატურასაც წარადგენს - ამის შესახებ უკრაინული მედია UNIAN-ი წერს.

თუმცა, არესტივიჩის თქმით, თუ ზელენსკი საპრეზიდენტო არჩევნებში იყრის კენჭს, ის არჩევნებში მონაწილეობას არ მიიღებს.

"ახლა ვიტყვი იმას, რაც არასდროს მითქვამს. ყველა საუბრობს ჩემს რეიტინგზე, თუმცა ჩემი რეიტინგი, პრეზიდენტის ახლანდელი რეიტინგია. მე ჩემს თავს პრეზიდენტისგან არ ვანსხვავებ და მე არასდროს ვუცრუებ იმედს ადამიანებს, რომლებთანაც ვმუშაობ. მე შეიძლება მათზე სხვადასხვა აზრი გამაჩნდეს, თუმცა მე არასდროს ამას არ გამოვიტან. ხომ გვაქვს ამის გამოცდილება?!

1.5 თვეა, რაც პრეზიდენტის ოფისიდან წამოვედი, ჩემგან, ერთი სიტყვაც არავის გაუგია. ამიტომ, სანამ პრეზიდენტი პრეზიდენტია, უმაღლესი მეთაური, ასევე საომარი მდგომარეობაა, ჯერჯერობით ამაზე საუბარი ჩემთვის არაკორექტულია.

მეორე - თუ ის [ზელენსკი] მეორე ვადით წავა, რა თქმა უნდა, მე მას "ხელს არ შევუშლი", არავითარ შემთხვევაში, ეს ტექნიკურად შეუძლებელია. თუ არ წავა მეორე ვადით - მე წავალ (პრეზიდენტობის კანდიდატად იყრის კენჭს)," - ამის შესახებ ოლექსეი არესტოვიჩმა უკრაინელ ჟურნალისტთან დიმიტრი გორდონთან ინტერვიუში განაცხადა.

ასევე დაგაინტერესებთ:

🔵მდუღარე ცრემლებით მოთქვამენ და გაიძახიან: დედულია, დროა დავახვიოთ აქედანო! - რას წერს ბუკა პეტრიაშვილი?

🔵"თუ Bayraktar-ის მწარმოებელი ქარხანა უკრაინაში გაიხსნება, ის დაუყოვნებლივ განადგურდება" – პესკოვი