“უკრაინამ რუსების მიერ ჩადენილი სამხედრო დანაშაულებების ბაზის შექმნა დაიწყო, დამნაშავეები უნდა დაისაჯონ!” - ირინა ვენედიქტოვა

უკრაინა მზად არის ყველა დამნაშავე სამართლებრივად დასაჯოს.
უკრაინის გენერალურმა პროკურორმა ირინა  ვენედიქტოვამ განაცხადა, რომ მიმდინარეობს  ათასობით ინციდენტის დოკუმენტირების პროცესი, რომელიც  ეწინააღმდეგება  სისხლის სამართლის კოდექსს ომის წესებთან დაკავშირებით. 

ქალბატონმა ვენედიქტოვამ BBC-ს ინტერვიუში განუცხადა, რომ მტკიცებულებების  დოკუმენტაცია კრიტიკულად მნიშვნელოვანია.
„გენერალურ პროკურატურაში ჩვენ გვაქვს ომის სპეციალური დეპარტამენტი... ყველა ძალოვანი უწყება გვეხმარება ომის დანაშაულების გამოძიებაში. ეს ჩვენი მთავარი პრიორიტეტია.

რა თქმა უნდა, ჩვენ არ გვყავს საკმარისი გამომძიებლები, ამიტომ შევქმენით საერთო ვებგვერდი – warcrimes.gov.ua. ვებსაიტს იყენებს არა მხოლოდ გენერალური პროკურატურა, არამედ სხვა სახელმწიფო ინსტიტუტები, როგორიცაა უკრაინის საგარეო საქმეთა და იუსტიციის სამინისტრო.

პროკურატურა ყველაფერს აკეთებს იმისათვის, რომ დადგინდეს ყოველი სამხედრო დანაშაულის გარემოებები და გამოვლინდეს თითოეული დამნაშავე, ჯარისკაციდან დაწყებული, გენერლით დამთავრებული, აგრესორი სახელმწიფოს მაღალ სამხედრო და პოლიტიკურ ხელმძღვანელობამდე“, - ნათქვამია განცხადებაში.

ვენედიქტოვამ დასძინა, რომ ზოგიერთ შემთხვევაში რუსი ჯარისკაცები უკვე დგანან უკრაინული დევნის პირველი ეტაპის წინაშე, "ასე რომ, ჩვენ არ ვსაუბრობთ მხოლოდ დაუსწრებლად სასჯელის  შეფარდებაზე. თითოეულ კონკრეტულ შემთხვევაში სამხედრო დამნაშავეები დაისჯებიან უკრაინის კანონის შესაბამისად".

მოამზადა ელენე ფერაძემ