ჯო ბაიდენი: აშშ რუსეთიდან ნავთობისა და გაზის იმპორტს აკრძალავს

ამერიკის პრეზიდენტი ჯო ბაიდენი რუსეთის წინააღმდეგ დამატებით სადამსჯელო ღონისძიებებს აწესებს.

უკრაინის წინააღმდეგ რუსეთის აგრესიული ომის საპასუხოდ, შეერთებული შტატები კრძალავს ნედლი ნავთობისა და გაზის იმპორტს რუსეთიდან.

"აშშ რუსეთიდან ნავთობისა და გაზის იმპორტს აკრძალავს"- განაცხადა ამერიკის შეერთებული შტატების პრეზიდენტმა, ჯო ბაიდენმა თეთრ სახლში ბრიფინგზე.

გასულ წელს, აშშ-ს ენერგეტიკული ინფორმაციის ადმინისტრაციის (EIA) მონაცემებით, რუსეთი იყო მესამე ყველაზე მნიშვნელოვანი ქვეყანა აშშ-სთვის ნედლი ნავთობისა და ნავთობპროდუქტების იმპორტით - კანადისა და მექსიკის შემდეგ.

იმპორტი რუსეთიდან, მოცულობით 672,000 ბარელი (თითოეული 159 ლიტრი) დღეში, შეადგენდა ამ კატეგორიის შეერთებული შტატების იმპორტის თითქმის რვა პროცენტს.

ეკონომიკის ფედერალური სამინისტროს მონაცემებით, გერმანიაში ნედლი ნავთობის იმპორტში რუსული იმპორტის წილი დაახლოებით 35 პროცენტია.

ამასთან, ბრიტანეთი წლის ბოლომდე ეტაპობრივად წყვეტს რუსული ნავთობისა და ნავთობპროდუქტების იმპორტს.

როგორც ბრიტანეთის მთავრობაში აცხადებენ, 2022 წლის ბოლოსთვის საკმარისი დრო აქვს ბაზარს და კომპანიებს, რომ რუსული იმპორტი ჩაანაცვლონ.

ასევე, მთავრობამ სამუშაო ჯგუფი შექმნა, რომელიც დაეხმარება კომპანიებს გარდამავალ პერიოდში, რათა, სხვა საკითხებთან ერთად, მოიძიონ მიწოდების ალტერნატიული წყაროები.

ასევე საინტერესოა:

🔵 ჰოდა, ამ ყველაფრის ფონზე ჯანდაბას წაუღია ყველა ის ვაი-ქართველი, მთავრობაც და ხალხიც, ვინც ეს ბნელი და უპასუხისმგებლო ნახირი შეიფაროს! - რას წერს ექიმი ქეთი ლობჟანიძე

🔵 პოლიციამ უკრაინიდან ევაკუაციისას ქალები ტიტებით გამოაცილა - უჩვეულო 8 მარტი უკრაინელი ქალებისთვის (ვიდეო)

🔵 სლოვაკეთის საზღვართან მარტო მისული, ატირებული 11 წლის უკრაინელი ბიჭის დედა ცოცხალია