ჯორჯია მელონიმ დაადასტურა, რომ იტალია უკრაინაში ჯარისკაცების გაგზავნას არ აპირებს

იტალიის პრემიერ-მინისტრმა, ჯორჯია მელონიმ „მსურველთა კოალიციის“ ლიდერთა შეხვედრაში ვიდეო-კავშირით მიიღო მონაწილეობა. ინფორმაციას ამის შესახებ იტალიის მთავრობა ავრცელებს.

მელონიმ კიდევ ერთხელ წარადგინა ვაშინგტონის ხელშეკრულების მე-5 მუხლის მსგავსი კოლექტიური უსაფრთხოების თავდაცვის მექანიზმის წინადადება, როგორც უკრაინისთვის უსაფრთხოების გარანტიების პოლიტიკური კომპონენტის ერთ-ერთი მთავარი ელემენტი.

მან კიდევ ერთხელ დაადასტურა, რომ იტალია უკრაინაში ჯარისკაცების გაგზავნას არ აპირებს, თუმცა დაადასტურა მზადყოფნა, მხარი დაუჭიროს ცეცხლის შესაძლო შეწყვეტას, უკრაინის საზღვრებს გარეთ განხორციელებული მონიტორინგისა და წვრთნების ინიციატივებით.

მელონიმ ასევე მონაწილეობა მიიღო პრეზიდენტ ტრამპთან სატელეფონო საუბარში, რომლის დროსაც განიხილეს შეხვედრის შედეგები და კიდევ ერთხელ დადასტურდა საერთო მიზანი - სამართლიანი და მდგრადი მშვიდობა.

„ამის მიღწევა მხოლოდ ისეთი მიდგომით არის შესაძლებელი, რომელიც აერთიანებს უკრაინის მუდმივ მხარდაჭერას, საომარი მოქმედებების შეწყვეტისკენ სწრაფვას, რუსეთზე კოლექტიური ზეწოლის შენარჩუნებას, მათ შორის სანქციების საშუალებით, და უსაფრთხოების მყარ და სანდო გარანტიებს“, - ნათქვამია განცხადებაში.