კრემლში საფრანგეთის და რუსეთის პრეზიდენტების მოლაპარაკება მიმდინარეობს

კრემლში საფრანგეთის და რუსეთის პრეზიდენტების  მოლაპარაკება მიმდინარეობს. 

ემანუელ მაკრონი და ვლადიმირ პუტინი, პირისპირ შეხვედრის შემდეგ საუბარს სამუშაო სადილზეც გააგრძელებენ და ბოლოს ერთობლივ პრესკონფერენციას გამართავენ.

პირისპირ შეხვედრის დაწყების წინ პუტინმა მადლობა გადაუხადა საფრანგეთის პრეზიდენტს, რომელიც ძალისხმევას არ აკლებს ევროპაში უსაფრთხოების განუყოფლობის პრინციპის რეალიზებას და უკრაინაში კრიზისის მოწესრიგებას.

ემანუელ მაკრონმა შეხვედრის დაწყების წინ იმედი გამოთქვა, რომ ორმხრივი მოლაპარაკება შესაძლოა გახდეს აღმოსავლეთ ევროპაში დეესკალაციის დასაწყისად და ორი პრეზიდენტი შეძლებენ ისეთი ერთობლივი გადაწყვეტილების მიღებას, რომელიც მათ ომის თავიდან აცილების შესაძლებლობას მისცემს.

გამოცემა Journal du Dimanche-სთვის მიცემულ ინტერვიუში, მაკრონმა აღნიშნა, რომ დასავლეთს შეუძლია გააფორმოს რუსეთთან ისეთი შეთანხმება, რომელიც მას თავიდან აარიდებს სამხედრო კონფლიქტს.

„ჩვენ უნდა დავიცვათ ჩვენი ევროპელი ძმები, შევთავაზოთ მათ ახალი ბალანსი, რომელიც უზრუნველყოფს სუვერენიტეტისა და მშვიდობის დაცვას.

ეს უნდა მოხდეს რუსეთის პატივისცემით და ამ დიდი ერისა და დიდი ქვეყნის თანამედროვე ტრავმების გათვალისწინებით“, - მოჰყავს ემანუელ მაკრონის სიტყვები რადიო თავისუფლების რუსულ სამსახურს.

ასევე საინტერესოა:

🔵 ბელარუსის პრეზიდენტი ოკუპირებული აფხაზეთისა და ცხინვალის რეგიონის დამოუკიდებლობის აღიარებას არ გამორიცხავს

🔵 კომაროვის სკოლის კურსდამთავრებული, თიკა ქოქოშვილი სასწავლო პროგრამით “Meta”-ს ოფისს შეუერთდება

🔵 მიხეილ სააკაშვილი: საქართველოს ისტორიული სირცხვილია, როცა დამპყრობლის საამებლად ამას აკეთებ!