ყაზახეთში, პროტესტის დროს 5 800 ადამიანი დააკავეს

ყაზახეთში არეულობა გრძელდება. ქვეყნის შინაგან საქმეთა სამინისტროს ინფორმაციით, დილის არეულობის დროს მინიმუმ 5 135 პირი დააკავეს. მედია წერს, რომ მათგან 134-ს ბრალად განსაკუთრებით მძიმე დანაშაულის ჩადენა ედება.

დაკავებულებს შორის უმეტესობა უცხო ქვეყნის მოქალაქეა.

deutsche welle-ს ინფორმაციით, შეიქმნება სამთავრობო კომისია "არეულობის შედეგების აღმოსაფხვრელად. შესაბამისი ბრძანება 9 აინვარს ქვეყნის პრეზიდენტმა გასცა. ამჟამად ყაზახეთში საპროტესტო აქციებთან დაკავშირებით 125 სისხლის სამართლის საქმეა აღძრული.

ადგილობრივი მედიის ინფორმაციით, განსაკუთრებით მძიმე დანაშაულის ჩადენაში ეჭვმიტანილი 134 ადამიანი დროებითი დაკავების იზოლატორში გადაიყვანეს.
შინაგან საქმეთა სამინისტრომ ასევე დააზუსტა უშიშროების დაღუპული თანამშრომლების რაოდენობა. სამინისტროს ცნობით, დაიღუპა 16, დაშავდა 1.3 ათასზე მეტი პოლიციელი, ეროვნული გვარდიის წევრი და სამხედრო მოსამსახურე. მანამდე, ხელისუფლება 18 დაღუპულის შესახებ იტყობინებოდა.
ქვეყნის შინაგან საქმეთა მინისტრ, ერლან ტურგუმბაევის ინფორმაციით, არეულობებთან დაკავშირებით აღძრულია 125 სისხლის სამართლის საქმე, მათ შორის ძალადობის, მკვლელობისა და ყაჩაღობის ფაქტებზე. მისი თქმით, 400-ზე მეტი მანქანა დაზიანდა და განადგურდა, მათგან 346 პოლიციის მანქანაა. ტურგუმბაევმა აღნიშნა, რომ გაძარცვულია 100-ზე მეტი დიდი სავაჭრო ობიექტი და ბანკი. წინასწარი ზარალი დაახლოებით 212 მილიონი დოლარია.

ასევე დაგაინტერე­­­­სებთ:

🔵 ვაქცინის გაკეთება საჭირო იქნება ყოველ 3-4 თვეში - გიორგი ფხაკაძე

🔵კიდევ 31 გარდაცვლილი და კორონავირუსის 3 842 ახალი შემთხვევა საქართველოში

🔵"ვგმობ ძალადობას და სწრაფი დეესკალაციის იმედი მაქვს" - სალომე ზურაბიშვილი ყაზახეთში არსებულ ვითარებას ეხმაურება