13 თებერვალს თბილისის რამდენიმე უბანს წყალმომარაგება შეეზღუდება

13 თებერვალს, „ჯორჯიან უოთერ ენდ ფაუერი“ ვაკის რაიონში, ბესარიონ ჟღენტის ქუჩა N4-ის მიმდებარედ წყალმომარაგების სტაბილურობისთვის აუცილებელ სამუშაოებს ჩაატარებს.

ჯივიპის ინფორმაციით, ტექნიკური სამუშაოები ხვალ, 13 თებერვალს ღამის 23:00 საათიდან დაიწყება და მთელი ღამის განმავლობაში ინტენსიურ რეჟიმში შესრულდება.

„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 13 თებერვალს ღამის 23:00 საათიდან 14 თებერვლის დილის 07:00 საათამდე წყალმომარაგება შეეზღუდება:

ნუცუბიძის III მიკრორაიონს და I კვარტლის N1-10; პიკასოს, შავგულიძის, ჟღენტის, ნადირაძის, ანჯაფარიძის, შავიშვილის, სანდრო ეულის, ვ. მინდელის, მამასახლისოვის, თოფურიას ქუჩებს; ქავთარაძის ქუჩას, შესახვევებსა და ჩიხებს; ე. მინდელის N1,2,3,5,7,10,11; უნივერსიტეტის N24, ნუცუბიძის N179-211 (კენტ ნომრებს), ვაჟა-ფშაველას IV, V, VI, VII კვარტლებს და III კვარტალის N19- 27 (კენტ ნომრებს).

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის“, - ნათქვამია კომპანიის ინფორმაციაში.

წყალმომარაგების შეზღუდვისა და აღდგენის შესახებ ინფორმაციას „ჯორჯიან უოთერ ენდ ფაუერი“ აბონენტებს წინასწარ, SMS შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუკისა და ვებგვერდის მეშვეობით www.gwp.ge.