ალექსანდრე რაქვიაშვილი: არანაირი შანსი არ არის, რომ სალომე ზურაბიშვილის მეთაურობით რამე გამოვა

 „მთელი ეს აქტივობა სალომე ზურაბიშვილის ირგვლივ არის მცდელობა, ხალხის მუხტი მოკლა,“ - ამის შესახებ „გირჩის“ წევრმა, ალექსანდრე რაქვიაშვილმა პირველი არხის გადაცემაში - „აქტუალური თემა“ საუბრისას განაცხადა, რითაც ჟურნალისტის კითხვას უპასუხა, თუ რატომ არ ესწრებიან „გირჩის“ წევრები ექსპრეზიდენტ სალომე ზურაბიშვილთან შეხვედრებს.

რაქვიაშვილის თქმით, თუ მართლა სურს ზურაბიშვილს ოპოზიციის დახმარება, ის დებატებისა და დისკუსიების ფასილიტატორი უნდა იყოს.

„ბოლოს პრეზიდენტს შევხვდი დაახლოებით 1 წლის წინ. ჩემი პოზიცია შეხვედრაზეც დავაფიქსირე, არ შეიძლება უბრალოდ დოკუმენტების მიღება, აუცილებელია საჯარო დისკუსია. ვთხოვე კიდეც პრეზიდენტს თუ მართლა უნდა დაეხმაროს ოპოზიციას, დისკუსიების, დებატების ფასილიტატორი უნდა იყოს.

ამის შემდეგ ჩვენ დავინახეთ ქარტია რომ გააკეთეს. გინდა-არ გინდა რომ უნდა მოაწერო თურმე ხელი, „ჭეშმარიტება“ არის, ლამის წმინდა წერილი... {სტილი დაცულია}

ᲐᲠᲐᲜᲐᲘᲠᲘ ᲨᲐᲜᲡᲘ ᲐᲠ ᲐᲠᲘᲡ, ᲠᲝᲛ ᲡᲐᲚᲝᲛᲔ ᲖᲣᲠᲐᲑᲘᲨᲕᲘᲚᲘᲡ ᲛᲔᲗᲐᲣᲠᲝᲑᲘᲗ ᲠᲐᲛᲔ ᲒᲐᲛᲝᲕᲐ. ᲠᲐᲪ ᲐᲠ ᲣᲜᲓᲐ ᲘᲧᲝᲡ ᲛᲘᲖᲔᲖᲘ, ᲒᲐᲘᲮᲡᲔᲜᲔᲗ ᲠᲐᲘᲛᲔ ᲘᲜᲘᲪᲘᲐᲢᲘᲕᲐ ᲥᲐᲚᲑᲐᲢᲝᲜᲘ ᲡᲐᲚᲝᲛᲔᲡᲘ. ᲛᲝᲕᲘᲡᲛᲘᲜᲔ, ᲠᲝᲛ ᲛᲝᲠᲘᲒ ᲡᲐᲙᲝᲝᲠᲓᲘᲜᲐᲪᲘᲝ ᲨᲢᲐᲑᲡ ᲐᲙᲔᲗᲔᲑᲔᲜ, ᲡᲐᲛᲘ ᲐᲡᲔᲗᲘ ᲨᲢᲐᲑᲘ ᲘᲧᲝ ᲥᲐᲚᲑᲐᲢᲝᲜᲘ ᲡᲐᲚᲝᲛᲔᲡ ᲘᲜᲘᲪᲘᲐᲢᲘᲕᲘᲗ, ᲠᲝᲛᲔᲚᲛᲐ ᲘᲛᲣᲨᲐᲕᲐ ᲓᲐ ᲠᲐ ᲙᲝᲝᲠᲓᲘᲜᲐᲪᲘᲐ ᲛᲝᲮᲓᲐ? ᲐᲜ ᲥᲐᲠᲢᲘᲐᲡ ᲮᲔᲚᲘ ᲠᲝᲛ ᲛᲝᲐᲬᲔᲠᲔᲡ, ᲕᲘᲜᲛᲔᲛ ᲒᲐᲐᲠᲩᲘᲐ ᲠᲐ ᲬᲔᲠᲘᲐ ᲘᲛ ᲓᲝᲙᲣᲛᲔᲜᲢᲨᲘ? ᲐᲛ ᲐᲛ ᲬᲣᲗᲡ ᲒᲔᲒᲛᲐ ᲠᲝᲛ ᲓᲐᲓᲝ ᲥᲐᲚᲑᲐᲢᲝᲜᲛᲐ ᲡᲐᲚᲝᲛᲔᲛ, ᲕᲘᲜᲛᲔᲛ ᲘᲡᲐᲣᲑᲠᲐ ᲐᲛ ᲒᲔᲒᲛᲘᲡ ᲐᲓᲔᲙᲕᲐᲢᲣᲠᲝᲑᲐᲖᲔ? როგორც მინიმუმ, რაც არ უნდა იყოს ამის მიზეზი, მთელი ეს აქტივობა სალომე ზურაბიშვილის ირგვლივ არის მცდელობა ხალხის მუხტი მოკლა“, - განაცხადა ალექსანდრე რაქვიაშვილმა.