ბუსტერის ინტერვალი სამ თვემდე შემცირდა - ყველაფერი რაც კოვიდსაწინააღმდეგო ვაქცინის მესამე დოზის გაკეთებამდე უნდა იცოდეთ

დღეს იმუნიზაციის ექსპერტთა საბჭომ მიიღო გადაწყვეტილება, რომლის თანახმადაც ორშაბათიდან ბუსტერ დოზის გაკეთების ინტერვალი ნებისმიერი ვაქცინის შემთხვევაში სამ თვემდე მცირდება. - ინფორმაციას საქართველოს დაავადებათა კონტროლის ეროვნული ცენტრი ავრცელებს.

„COVID -19- ის ახალი შტამის ომიკრონის გამოჩენამ კიდევ უფრო მნიშვნელოვანი გახადა ბუსტერ დოზის აუცილებლობა. ახლა, როგორც არასდროს მნიშვნელოვანია იმუნური დაცვის გაძლიერება.“ - აცხადებენ უწყებაში და მოქალაქეებისთვის მნიშვნელოვან რჩევებს აქვეყნებენ.

რა არის ბუსტერ დოზა?

COVID19-ის ბუს­ტერ ვაქ­ცი­ნა არის ვაქ­ცი­ნის და­მა­ტე­ბი­თი დოზა, რო­მე­ლიც კეთ­დე­ბა ვაქ­ცი­ნა­ცი­ის პირ­ვე­ლა­დი კომ­პლექ­სის დას­რუ­ლე­ბი­დან გარ­კვე­უ­ლი დრო­ის გასვლის შემდეგ, რათა გა­აძ­ლი­ე­როს იმუ­ნუ­რი დაც­ვა. რო­გორც წესი, ბუს­ტე­რი კეთ­დე­ბა მას შემ­დეგ, რაც იმუ­ნი­ტე­ტი პირ­ვე­ლა­დი ვაქ­ცი­ნა­ცი­ის შემ­დგომ ბუ­ნებ­რი­ვად ქვე­ით­დე­ბა. ბუს­ტე­რის მი­ზა­ნია, უზ­რუნ­ველ­ყოს იმუ­ნი­ტე­ტის უფრო ხან­გრძლი­ვი შე­ნარ­ჩუ­ნე­ბა.

ვის შეუძლია ბუსტერ დოზის გაკეთება და როდის?

საქართველოში ბუსტერ დოზით ვაქცინაცია 10 ნოემბრიდან დაიწყო. რეგისტრაცია შესაძლებელია ვებგვერდზე booking.moh.gov.ge.

60 წლის და უფროსი ასაკის ადამიანებს, რომლებიც აიცრნენ პფაიზერით ან ასტრაზენეკათი – შეუძლიათ სასურველი ვაქცინით გაიკეთონ ბუსტერ დოზა. ვაქცინაციის კურსის გასვლიდან 3 თვის შემდეგ. ბუსტერ დოზისთვის განკუთვნილი ვაქცინებია: პფაიზერი, სინოფარმი, სინოვაკი
18-60 წლის ნებისმიერი ვაქცინით აცრილ ადამიანებს – შეუძლიათ სასურველი ვაქცინით გაიკეთოთ ბუსტერ დოზა. ვაქცინაციის კურსის გასვლიდან 3 თვის შემდეგ. ბუსტერ დოზისთვის განკუთვნილი ვაქცინებია: პფაიზერი, სინოფარმი, სინოვაკი
60 წლის და უფროსი ასაკის ადამიანებს, რომლებიც სინოფარმით ან სინოვაკით აიცრნენ – შეუძლიათ სასურველი ვაქცინით გაიკეთონ ბუსტერ დოზა ვაქცინაციის კურსის გასვლიდან 3 თვის შემდეგ. ბუსტერ დოზისთვის განკუთვნილი ვაქცინებია: პფაიზერი, სინოფარმი, სინოვაკი
❧  მათ ვინც აცრილია სინოფარმის ან სინოვაკის ვაქცინით, ბუსტერ დოზისთვის შეუძლია აარჩიოს სინოვაკის, სინოფარმის ან პფაიზერის ვაქცინა.

❧  მათ ვინც აცრილია ასტრაზენეკათი, ბუსტერ დოზის გაკეთებას შეძლებს პფაიზერით.

❧  მათ ვინც აცრილია პფაიზერით, ბუსტერ დოზის გაკეთებას შეძლებს პფაიზერით.

ასევე საინტერესოა:

🔵 კოდიდგადატანილი კაცების 60%-ში სპერმის მოძრაობის შემცირება დაფიქსირდა და სპერმის რაოდენობა შემცირდა 37%-ში - ზაზა წერეთელი

🔵 ჩხოროწყუს საკრებულოს თავმჯდომარე მოადგილის პოზიციას ქართული ოცნების წარმომადგენელს სთავაზობს

🔵 როდის იყო კაცები ასე ჩუმად მიდიოდნენ საყვარელი ქალისგან?! - ემიგრანტი საფრანგეთიდან