"დანა გაუყარა მუცელში" - ოზურგეთში ისრაელის მოქალაქემ ადგილობრივი კაცი მძიმედ დაჭრა

ოზურგეთის მუნიციპალიტეტის სოფელ დვაბზუში შუახნის მამაკაცი მძიმედ დაჭრეს. "გურია ნიუსის" ინფორმაციით დაჭრილი ვიქტორ საბაშვილია, რომელიც ქალთა უფლებადამცველის, ამჟამად ემიგრაციაში მყოფი ქეთევან ხიდაშელის მეუღლეა.

მომხდარზე, შსს-მ საქართველოში დროებითი ბინადრობის სტატუსის მქონე ისრაელის მოქალაქე – 1954 წელს დაბადებული ი.ა. ოზურგეთის მუნიციპალიტეტის სოფელ ცხემლისხიდში დააკავეს.

მას ბრალად ჯანმრთელობის განზრახ მძიმე დაზიანება ედება.

„გამოძიებით დადგინდა, რომ ბრალდებულმა მიმდინარე წლის 12 თებერვალს, ოზურგეთის მუნიციპალიტეტის სოფელ დვაბზუში, ახლად შეძენილი საცხოვრებელი სახლის ყოფილ მეპატრონეს – 1958 წელს დაბადებულ ბ.ს.-ს, ყოფით ნიადაგზე დაწყებული ურთიერთშელაპარაკებისას, ფიზიკური შეურაცხყოფა მიაყენა, შემდეგ ცივი იარაღით დაჭრა და შემთხვევის ადგილიდან მიიმალა.

დაჭრილი მამაკაცი კლინიკაში გადაიყვანეს, სადაც შესაბამისი მკურნალობა უტარდება.

სამართალდამცველებმა, ჩატარებული ოპერატიულ-სამძებრო და საგამოძიებო მოქმედებების შედეგად, ი.ა. ბრალდებულის სახით მომხდარიდან მალევე დააკავეს.

პოლიციამ, დაკავებულის პირადი ჩხრეკისას, დანაშაულის ჩადენის იარაღი – დანა ნივთმტკიცების სახით ამოიღო.

ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის პირველი ნაწილით მიმდინარეობს.

დანაშაული 3-დან 6 წლამდე ვადით თავისუფლების აღკვეთას ითვალისწინებს“,- აღნიშნულია შსს-ს მიერ გავრცელებულ ინფორმაციაში.

სხვა სიახლეები:

🔵 ირაკლი კობახიძე: უკრაინაში ვიზიტს არ ვაპირებ

🔵 "ჟირინოვსკის სიკვდილი დავინახე" - ლელა კაკულიას უახლესი წინასწარმეტყველება (ვიდეო)

🔵 კორონავირუსით კიდევ 40 პაციენტი გარდაიცვალა - როგორია ეპიდვითერება საქართველოში?

🔵 ირაკლი კობახიძე: ჩვენი პოლიტიკური ამოცანაა, სენაკში "ნაცმოძრაობისა“ და გახარიას პარტიის მორიგი წარმატებული ალიანსი არ დავუშვათ - მათემატიკა დააყენეს თავდაყირა