დავით მათიკაშვილი: იმედია, შვედეთიდანაც კარგად იყურებიან ჩვენს ქვეყანაში და ხედავენ, რომ ქართველი ხალხის ნება-სურვილი ლგბტ პროპაგანდის საწინააღმდეგოა

იმედია, შვედეთიდანაც კარგად იყურებიან ჩვენს ქვეყანაში და ხედავენ, რომ ქართველი ხალხის ნება-სურვილი არის ამ [ლგბტ] პროპაგანდის საწინააღმდეგო, - განაცხადა პარლამენტის საპროცედურო საკითხთა და წესების კომიტეტის თავმჯდომარემ დავით მათიკაშვილმა.

მისი თქმით, მკაფიოდ უნდა დააფიქსირონ, რატომ ითხოვენ საქართველოში იმ კანონის გაუქმებას, რომელიც მხოლოდ ლგბტ პროპაგანდას კრძალავს და არ არღვევს არავის უფლებებს.

„იმედია, შვედეთიდანაც კარგად იყურებიან ჩვენს ქვეყანაში და ხედავენ, რომ ქართველი ხალხის ნება-სურვილი არის ამ [ლგბტ] პროპაგანდის საწინააღმდეგო. ამიტომ მკაფიოდ დააფიქსირონ, რატომ ითხოვენ ჩვენი ქვეყნისგან იმის საპირწონედ, რომ ევროკავშირისკენ მიმავალ გზაზე საქართველოს რაიმე შეფერხება არ შეხვდეს, რატომ ითხოვენ იმ საკანონმდებლო სივრცის გაუქმებას, რომელიც მხოლოდ და მხოლოდ პროპაგანდას კრძალავს და არ არღვევს ამ დროს არავის უფლებებს?!“ - აღნიშნა მათიკაშვილმა.

ცნობისთვის, შვედეთის პრემიერ-მინისტრის განცხადებასთან დაკავშირებით განმარტებას აკეთებს შვედეთის ევროკავშირის საქმეთა მინისტრი. ჯესიკა როზენ კრანცს ულფ კრისტერსონის ნათქვამში კორექტივები შეაქვს და ამბობს, რომ ევროკავშირის კანონმდებლობა არ მოითხოვს წევრი სახელმწიფოებისგან, ან კანდიდატი ქვეყნებისგან კანონმდებლობაში ლგბტ ქორწინების ცნება მიიღონ.