ენმ: საკრებულოს არჩეულ წევრზე, ნუგზარ ფუტკარაძეზე, რომელიც 6 დღის წინ გარდაიცვალა, არჩევნების შემდეგ ხელისუფლების დავალებით ზეწოლას ახდენდნენ

ბათუმში "ნაციონალური მოძრაობის" ლიდერის, გიორგი კირთაძის განცხადებით, საკრებულოს არჩეულ წევრზე, ნუგზარ ფუტკარაძეზე, რომელიც 6 დღის წინ გარდაიცვალა, არჩევნების შემდეგ ხელისუფლების დავალებით ზეწოლას ახდენდნენ.

როგორც კირთაძემ ბრიფინგზე განმარტა, არსებობს ზეწოლის აუდიო მტკიცებულება, რომელიც მას გარდაცვალებამდე ნუგზარ ფუტკარაძემ გადასცა.

"ჩვენი ფრაქციის სხვადასხვა წევრზე მიდიოდა ზეწოლა, თუმცა, ერთ-ერთი პირველი, ვისზეც დაიწყო და მიმდინარეობდა ზეწოლა, ეს გახლდათ ბატონი ნუგზარ ფუტკარაძე, რომელიც რამდენიმე დღის წინ გარდაიცვალა.

ბატონ ნუგზართან მოლაპარაკებას თორნიკე რიჟვაძის მამის დავალებით, დათო რიჟვაძის დავალებით სათავეში ჩაუდგა ასლან აბაშიძის დროინდელი ორი ყოფილი მაღალჩინოსანი ძალოსავანი, ვაჟა თაბაგიძე და ბადრი ბაკურიძე.

მათ არაერთი შეხვედრა გამართეს ნუგზართან, ის პირადად მე მაყენებდა საქმის კურსში ამ შეხვედრების შესახებ და მაშინ, როცა ეს უკვე გაუსაძლისი გახდა, მან დაიწყო ჩანაწერების გაკეთება და ეს ჩანაწერები მომაწოდა პირადად მე. ჩანაწერი არის აუდიო სახის და მასში კარგად ჩანს, როგორ სთავაზობდნენ ვაჟა თაბაგიძე და ბადრი ბაკურიძე ბატონ ნუგზარს 100 000$-ს, თან 20%-ს სთხოვდნენ უკვე. პირადად დათო რიჟვაძე ხელმძღვანელობდა ამ ყველაფერს",– განაცხადა გიორგი კირთაძემ ბრიფინგზე. 

ენმ ბათუმის ორგანიზაციაში აცხადებენ, რომ ჩანაწერი შეიცავს სისხლის სამართლის დანაშაულის ნიშნებს. 

ასევე დაგაინტერესებთ:

🔲 ზურა მახარაძემ საჯარო რეესტრს პარტიის – "კონსერვატიული მოძრაობის" რეგისტრაციისთვის მიმართა