გია ვოლსკი: დიდი ხანია, მიდის ლაპარაკი, ხალხი უნდა დაისაჯოს - ვინც ლომჯარიას მხარს უჭერს, ვიზები ჰქონდეთ, ხოლო ვინც ხმა მისცა „ქართულ ოცნებას“ - დაისაჯოს

„დიდი ხანია, მიდის ლაპარაკი, ხალხი უნდა დაისაჯოს. ვინც ლომჯარიას მხარს უჭერს, ვიზები ჰქონდეთ, ხოლო ვინც ხმა მისცა „ქართულ ოცნებას“ - დაისაჯოს“, - ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა.

ვოლსკის შეფასებით, მორიგი მცდელობაა, გერმანიის ელჩის დახმარებით, გარკვეული იდეა გაიტანონ განსახილველად.

„ეს არ არის ახალი თემა, ეს არის მორიგი მცდელობა, რომ როგორმე, გერმანიის ელჩის დახმარებით, გარკვეული იდეა გაიტანონ განსახილველად, ევროკავშირის დონეზე. სახელმწიფოთა დამოკიდებულება ამ საკითხის მიმართ სხვადასხვა არის, მაგრამ აღმაშფოთებელია ის, რომ დიდი ხანია, არსებობს მცდელობა, საქართველოში ბომბები ჩამოვარდნილიყო, ეს რეალურია და ამაზე მუშაობა დღესაც გრძელდება.

დიდი ხანია, მიდის ლაპარაკი, ხალხი უნდა დაისაჯოს. ვინც ლომჯარიას მხარს უჭერს, ვიზები ჰქონდეთ, ხოლო ვინც ხმა მისცა „ქართულ ოცნებას“ - დაისაჯოს.

ყველა დიდ ქვაბში უნდა მოიხარშოს. საქართველოში ხალხი თუ არ გაღიზიანდება და არ იქნება ნეგატიური განწყობა ხელისუფლების მიმართ, ისინი ხელისუფლებაში მოსვლას ვერ შეძლებენ. ახლა ამ რევოლუციურ გზას ავითარებენ და ამ საკითხებზეა საუბარი გერმანიის ელჩთან, რომელიც აღმოჩნდა, რომ ყველაზე დიდი მხარდამჭერია ამ ექსტრემისტული ჯგუფების“, - აღნიშნა ვოლსკიმ.

ცნობისთვის, არასამთავრობო ორგანიზაციების და ოპოზიციის ნაწილი პიტერ ფიშერს შეხვდა. ინფორმაციას ტელეკომპანია „იმედი“ ავრცელებს, რომლის მიხედვითაც ნინო ლომჯარია, ოპოზიციის გაერთიანების წევრებთან ერთად გერმანიის საელჩოში იმყოფებოდა. შეხვედრაში დისტანციურად მონაწილეობდა ევროკავშირის ელჩიც.