„გრიპი არის დღეს მოცირკულირე ვირუსებს შორის ყველაზე მძიმე ვირუსი, რომელსაც შეუძლია ბევრი გართულების გამოწვევა“ - ივანე ჩხაიძე

„გრიპი არის დღეს მოცირკულირე ვირუსებს შორის არამხოლოდ საქართველოში, არამედ მსოფლიოში ყველაზე მძიმე ვირუსი, რომელსაც შეუძლია ბევრი გართულების გამოწვევა მათ შორის: ფილტვების ანთების, თავის ტვინის დაზიანების, გულის დაზიანების. მართლაც ასეთი ვირუსია და ამიტომ, როდესაც იწყება მზადება აი, ამ რესპირაციული ვირუსული სეზონისთვის, ყოველთვის აქცენტს ვაკეთებ გრიპის საწინააღმდეგო ვაქცინაციაზე“, - ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა ივანე ჩხაიძემ „მედიაცენტრ მთავარში“  სტუმრობისას განაცხადა.

როგორც მან აღნიშნა, დაავადებათა კონტროლის ეროვნული ცენტრის მრავალწლიანი სტატისტიკის მიხედვით, საქართველოში გრიპის პირველი შემთხვევები ჩნდება ნოემბრის თვიდან და გრძელდება მარტი-აპრილის ჩათვლით.

„გრიპი არის დღეს მოცირკულირე ვირუსებს შორის არამხოლოდ საქართველოში, არამედ მსოფლიოში ყველაზე მძიმე ვირუსი, რომელსაც შეუძლია ბევრი გართულების გამოწვევა მათ შორის: ფილტვების ანთების, თავის ტვინის დაზიანების, გულის დაზიანების. მართლაც ასეთი ვირუსია და ამიტომ, როდესაც იწყება მზადება აი, ამ რესპირაციული ვირუსული სეზონისთვის, ყოველთვის აქცენტს ვაკეთებ გრიპის საწინააღმდეგო ვაქცინაციაზე.

გრიპის პირველი შემთხვევები ჩნდება ნოემბრის თვიდან და გრძელდება მარტი-აპრილის ჩათვლით. ვფიქრობთ, მარტი და აპრილი იქნება ის პერიოდი, როდესაც გრიპი თანდათანობით შემცირდება.

გრიპის სტაბილური შემცირება ფიქსირდება. მე-11 კვირის მონაცემით, 85%-დან გრიპის საერთო წილი შემცირდა 70%-მდე. საბოლოო ჯამში, შემცირების ტენდენციას ვაფიქსირებთ, რაც ძალიან მნიშვნელოვანია. ასევე, წელს დომინანტური იყო B ტიპის ვირუსი და აქაც შემცირების ტენდენციაა სახეზე. 67%-იდან 47%-მდე შემცირდა B გრიპის ვირუსის ხვედრითი წილი“, - აღნიშნავს ივანე ჩხაიძე.