"ისეთი გულუბრყვილოც არ ვართ, დავიჯეროთ, უკრაინის ელჩი მხოლოდ იმის გამო გაიწვიეს, რომ იარაღი ვერ მიიღო საქართველოსგან" - გია ვოლსკი

პარლამენტის პირველი ვიცე-სპიკერი გია ვოლსკი უკრაინის პრეზიდენტის ვოლოდიმირ ზელენსკის გადაწყვეტილებას, საქართველოდან უკრაინის ელჩის გაწვევის შესახებ ეხმაურება.

"ვფიქრობდი, ვფიქრობ და სავარაუდოდ მომავალშიც ვერ შევიცვლი აზრს იმასთან დაკავშირებით, რომ ეს გადაწყვეტილება ალბათ განპირობებულია ადამიანთა იმ ჯგუფის მიერ, რომლებიც დღეს საკვანძო ადგილებს იკავებენ და ფაქტობრივად, „ნაციონალური მოძრაობის“ შემადგენელი ნაწილი არიან.

რაც შეეხება ელჩის გაწვევის დემარშს, ვფიქრობ, ეს შეურაცხყოფაა არა მხოლოდ ხელისუფლების, არამედ საზოგადოების დიდი ნაწილის, რომელიც ყოველგვარი ანგარების გარეშე ლუკმას უყოფს უკრაინის დაზარალებულ, მძიმე მდგომარეობაში მყოფ მოქალაქეებს, ინახავენ ამ მოქალაქეების დიდ ნაწილს საქართველოში და არასდროს უკან არ დაიხევს, რომ უკრაინელ ხალხს დაეხმაროს.

რაც შეეხება ომში მყოფ პრეზიდენტს, ზუსტად ომში მყოფ პრეზიდენტს არ უნდა უპასუხო გარკვეული ქმედებით.

შეიძლება, მე განცხადება გავაკეთო ხისტიც, მაგრამ რეალურად, ჩვენ ომში მყოფ არა პრეზიდენტს, არამედ უკრაინელ ხალხს უნდა დავუჭიროთ მხარი, გავაგრძელოთ ჰუმანიტარული დახმარება, მათი მოქალაქეების მოვლა-პატრონობა საქართველოში.

უნდა გავაგრძელოთ ის მძლავრი პოლიტიკური მხარდაჭერა, რომელსაც საქართველო მიყვებოდა.

ამას გააკეთებს კიდეც, მიუხედავად იმისა, რა პოლიტიკურ გადაწყვეტილებებს მიიღებს ზელენსკი ან ის პოლიტიკური გუნდი, რომელიც არის არა მოკავშირე, არამედ შემადგენელი ნაწილი „ნაციონალური მოძრაობის“.

საერთაშორისო სანქციები არსებობს, მაგრამ ყველგან კარგად ესმით, რომ საერთაშორისო სანქციისთვის უნდა გაგაჩნდეს სანქცირების მექანიზმი, რაც საქართველოს არ აქვს", – განაცხადა გია ვოლსკიმ.

სხვა სიახლეები:

🔵 "ბელარუსი სულაც რუსეთს ეხმარება და ელჩი იქაც კი დატოვა. არც ერთ ხსენებულ ქვეყანას იმაზე მეტი არ გაუკეთებია უკრაინისთვის, რამდენიც საქართველომ და ქართველმა ხალხმა. არაფრით მომწონს პრეზიდენტ ზელენსკის გადაწყვეტილება" - გოგა ჩანადირი

🔵 "ჩვენი კონსტიტუცია, კანონმდებლობა არ იძლევა საშუალებას და ასევე, არ არსებობს განწყობები რუსეთთან შეერთების შესახებ" - სერგეი შამბა

🔵 "დღევანდელი მინიშნებები მხოლოდ იმაზეა, რომ კრემლი აფხაზეთის და ცხინვალის რეგიონის ანექსიას აპირებს" - ჩერგოლეიშვილი

🔵 „ახლა დგება გადამწყვეტი და მნიშვნელოვანი ეტაპი“ - აპრილის ახალმთვარეობა და მიმდინარე ტენდენციები, ეზოთერიკოს გიორგი ლობჯანიძისგან