"ბელარუსი სულაც რუსეთს ეხმარება და ელჩი იქაც კი დატოვა. არც ერთ ხსენებულ ქვეყანას იმაზე მეტი არ გაუკეთებია უკრაინისთვის, რამდენიც საქართველომ და ქართველმა ხალხმა. არაფრით მომწონს პრეზიდენტ ზელენსკის გადაწყვეტილება" - გოგა ჩანადირი

ქართველი ფოტო ხელოვანი გოგა ჩანადირი, სოციალურ ქსელ ფეისბუკში უკრაინის ელჩის საქართველოდან გაწვევას ეხმაურება:

"არაფრით მომწონს პრეზიდენტ ზელენსკის გადაწყვეტილება საქართველოდან უკრაინის ელჩის გაწვევის თაობაზე.

ქვეყანა სანქციებს არ შეუერთდაო.

ეს არის მიზეზი? ალოგიკურია.

არც მისი მეზობელი მოლდოვა შეუერთდა სანქციებს, არც ჩინეთი, არც ბრაზილია, არგენტინა, ყაზახეთი, სომხეთი და კიდევ უამრავი ქვეყანა და მაშ სად არის ლოგიკა?

იქიდან ელჩები რატომ არ გაიწვია?

ბელარუსი სულაც რუსეთს ეხმარება და ელჩი იქაც კი დატოვა.

არც ერთ ხსენებულ ქვეყანას იმაზე მეტი არ გაუკეთებია უკრაინისთვის, რამდენიც საქართველომ და ქართველმა ხალხმა.

არც ერთ ქვეყანას იმაზე დიდი სიმწარე არ განუცდია რუსეთისგან, როგორც საქართველომ.

არც ერთ ქვეყანას იმხელა მსხვერპლი არ გაუღია უკრაინისთვის, რამდენიც საქართველომ.

არც ერთი ქვეყნის მებრძოლი მოხალისე არ არის უკრაინაში, რამდენიც ქართველია.

რა საქციელია ეს ზელენსკისგან?

არ მომწონს.

და უკვე ეჭვიც მაქვს, რომ ერთგვარი ნაბიჯია საქართველოს ომში ჩასათრევად, მეორე ფრონტის გახსნის დასაქოქად",- წერს ჩანადირი.

ცნობისათვის, ვოლოდიმირ ზელენსკიმ მაროკოდან და საქართველოდან ელჩების გაწვევას ხელი მოაწერა. ზელენსკიმ ვიდეომიმართვისას უკრაინის დიპლომატიური მისიების წარმომადგენლების მუშაობაზე ისაუბრა და აღნიშნა, რომ სხვა სამსახური უნდა მოძებნონ იმ ელჩებმა, რომლებიც ვერ მიაღწევენ, რომ ქვეყნები, სადაც წარმოდგენილნი არიან, ერთი მხრივ უკრაინას დაეხმარებიან, მეორე მხრივ კი რუსეთს სანქციებს დააკისრებენ.

სხვა სიახლეები:

🔵 "არ მიგვაჩნია სამართლიან გადაწყვეტილებად" - შალვა პაპუაშვილი ზელენსკის მიერ უკრაინის ელჩის საქართველოდან საბოლოოდ გაწვევაზე

🔵 "ზელენსკის ესმის, რომ უკრაინის ხარჯზე ჩვენც ვთავისუფლდებით და ახალი ისტორიული, ჯერარმოცემული შანსები გვეძლევა, თანაც უომრად, ამიტომ გაიწვია ელჩი" - ნათია ფანჯიკიძე