კოვიდდადებითობის მაჩვენებელი უპრეცედენტოდ მაღალია - სასურველია ტესტირების მაჩვენებელი გაიზარდოს - ბიძინა კულუმბეგოვი

ბოლო ორი კვირის მონაცემებით, 17%-იანი კოვიდდადებითობის მაჩვენებელი გვაქვს, რაც უპრეცედენტოდ მაღალია და შიდა გავრცელების საკმაოდ მაღალ მასშტაბებზე მიუთითებს, - აცხადებს ალერგოლოგ-იმუნოლოგი ბიძინა კულუმბეგოვი.

მისივე თქმით, შესაძლოა, საქართველოში ყოველდღიურად კორონავირუსის 6000-დან 20 000-მდე ახალი შემთხვევა ცირკულირებდეს.

„თუ შევხედავთ ჯანმრთელობის გაზომვათა ინსტიტუტის მონაცემებს, ჩვენი ტიპის დადებითობის მაჩვენებლის, ჩატარებული ტესტირების რაოდენობითა და სხვა მონაცემებით, შესაძლოა, ჩვენს ქვეყანაში ყოველდღიურად 6000-დან 20 000-მდე ახალი შემთხვევა ცირკულირებდეს. სასურველია ტესტირების მაჩვენებელი იყოს უფრო მეტი, რასაც აქვს პირდაპირი კლინიკური ღირებულებითი მნიშვნელობა. ქვეყანას პიკური გავრცელება გადავლილი აქვს, ჩვენ ახლა ვართ გავრცელების იმ მასშტაბზე, სადაც არის პლატო და შეიძლება შენარჩუნდეს სექტემბერ-ოქტომბრის პირველ ნახევრამდე. დრამატული მატება შემდგომი 4-6 კვირა არ გვექნება, მაგრამ გამოვლენა და ტესტირება არის ძალიან მნიშვნელოვანი“, - აღნიშნა ბიძინა კულუმბეგოვმა.

21 აგვისტოდან 28 აგვისტოს ჩათვლით, საქართველოში კორონავირუსით ინფიცირების 13 737 ახალი შემთხვევა დაფიქსირდა, გარდაიცვალა 3 პაციენტი.

ასევე დაგაინტერესებთ:

🔵ისტორიაში პირველად ადამიანს ერთდროულად COVID-19, მაიმუნის ყვავილი და აივ-ინფექცია დაუდგინდა

🔵საბერძნეთში, 40 წლამდე ქართველი ქალი დააკავეს - რას ედავება გამოძიება?

🔵"ჰაიტ, დაგაჯდათ ურდოსებს სიკვდილის ბუზი!" - ბუკა პეტრიაშვილი