ლევან მაჭავარიანი ოპოზიციაზე: იციან მათაც და მათმა გარე უფროსებმაც, რომ არჩევნებით „ოცნებას“ ვერ ჩაანაცვლებენ, ამიტომაა, რომ ხელს უწყობენ ამდენი რევოლუციური სცენარის განვითარებას

„იციან მათაც და მათმა გარე უფროსებმაც, რომ არჩევნებით „ოცნებას“ ვერ ჩაანაცვლებენ, სწორედ ამიტომაა, რომ ხელს უწყობენ ამდენი რევოლუციური სცენარის განვითარებას“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

როგორც ის აღნიშნავს, გარე უფროსები უნდა შეეგუონ იმას, რომ ქართული ოცნება“ არჩეული ხელისუფლებაა.

„ქალბატონი ჩერგოლეიშვილის ეს პოსტი, რა თქმა უნდა, გასაკვირი არ არის,  ყველამ კარგად ვიცით მისი მიდგომებიც, ხასიათიც და შეხედულებებიც. ისაა ყველაზე სამწუხარო, რომ რეალურად, იქით მხარეს დგანან  რადიკალები, ექსტრემისტები, რომელთაც ერთი გრამი ძალაუფლება რომ ჩაუვარდეთ ხელში, რას გაუკეთებენ ამ ქვეყანას, მოქალაქეებმა თვითონ წარმოიდგინონ. აქედან გამომდინარე, ჩვენ მათ ხელისუფლებას არ დავუთმობთ, - ლეგიტიმური გზით, ისინი ჩვენ არჩევნებს ვერასდროს ვერ მოგვიგებენ.

ზუსტად ეს რომ იციან მათაც და მათმა გარე უფროსებმაც, რომ არჩევნებით „ქართულ ოცნებას“ ეს რადიკალური ძალები ვერ ჩაანაცვლებენ, სწორედ ამიტომაა, ეს გარე ძალები ხელს უწყობენ ამდენი რევოლუციური სცენარის განვითარებას საქართველოში. მაგრამ, სახელმწიფო და სამართალდამცავი ორგანოები მოწოდების სიმაღლეზე არიან და ვერც რევოლუციით ვერ ჩაგვანაცვლებენ. შესაბამისად, შეეგუონ, „ქართული ოცნება“ არის ამ ქვეყნის არჩეული ხელისუფლება“, - აღნიშნავს მაჭავარიანი.