ლევან მაჭავარიანი: საპარლამენტო არჩევნების გაყალბებასთან დაკავშირებით ერთი კითხვის ნიშანიც არ არსებობს, ერთი მტკიცებულებაც კი ვერავინ წარმოადგინა

„რაც შეეხება ბატონი ელისაშვილის აღიარებას, მე-20 ნომრად რომ ვეწერებოდი, ვიცოდი, ამ რაოდენობით მანდატს ვერ ავიღებდითო, რა თქმა უნდა, წინასწარ იცოდა ოპოზიციამ თავისი რეიტინგის შესახებ, წინასწარ იცოდნენ, ისინი დამარცხებულები იყვნენ“, - ამის შესახებ ფრაქცია „ქართული ოცნების“ თავმჯდომარის მოადგილემ ლევან მაჭავარიანმა განაცხადა.

როგორც დეპუტატი აღნიშნავს, ალეკო ელისაშვილთან დაკავშირებით სერიოზულ კომენტარს ვერ გააკეთებს, მისი არასერიოზული პიროვნებიდან გამომდინარე.

„რა თქმა უნდა, საპარლამენტო არჩევნების გაყალბებასთან დაკავშირებით ერთი კითხვის ნიშანიც არ არსებობს, ერთი მტკიცებულებაც კი ვერავინ წარმოადგინა. რაც შეეხება ბატონი ელისაშვილის აღიარებას, მე-20 ნომრად რომ ვეწერებოდი, ვიცოდი, ამ რაოდენობით მანდატს ვერ ავიღებდითო, რა თქმა უნდა, წინასწარ იცოდა ოპოზიციამ თავისი რეიტინგის შესახებ, წინასწარ იცოდნენ, ისინი დამარცხებულები იყვნენ. თუმცა, ბატონ ელისაშვილთან დაკავშირებით სერიოზულ კომენტარს ნამდვილად ვერაფერზე ვერ გავაკეთებ მისი არასერიოზული პიროვნებიდან გამომდინარე. სხვათა შორის, მან ამ ბოლო დროს ისიც თქვა, რომ ბატონ მიხეილ სააკაშვილს ურიგდება და ა.შ.

ჩვენ გვახსოვს, როგორ ლანძღავდა პირდაპირ ეთერში იგი ბატონ ხაზარაძეს, რა ბრალდებებს უყენებდა და შემდეგ აღმოჩნდა ხაზარაძის პარტიაში. ასეთ არაპრინციპულ ადამიანზე გვაქვს საუბარი და რა თქმა უნდა, რთული არის რაიმე სერიოზული კომენტარის გაკეთება“, - აღნიშნავს მაჭავარიანი.