მეტროსადგური „ვარკეთილი“ მგზავრებს დროებით ვერ მოემსახურება - თბილისის მერია

 სარეაბილიტაციო სამუშაოების მოცულობისა და ტექნოლოგიური სპეციფიკის გათვალისწინებით, დღეიდან მეტროსადგური „ვარკეთილი“ 45 დღით წყვეტს მგზავრთა მომსახურებას. ამის შესახებ თბილისის მერიის პრესსამსახური იტყობინება.

პრესსამსახურის ცნობით, შესაბამისი პროექტის ფარგლებში, გაიწმინდება და დამუშავდება ჭერის კოროზირებული/დაზიანებული ზედაპირები, მოხდება თაღის მიღმა არსებული სიცარიელეების შესაბამისი ტექნიკური ხსნარებით შევსება/დაჭირხვნა. ასევე, თაღის ტემპერატურული ღარების/ნაკერების ჰერმეტიზაცია მიწისქვეშა წყლების ჟონვის პრევენციისთვის. რეაბილიტაცია ჩაუტარდება დახრილ საესკალატორო გვირაბში თუჯის სამაგრ დეტალებს.

„აღნიშნული პროცესის დასრულების შემდეგ უშუალოდ განახლდება მოსაპირკეთებელი სამუშაოები, რომლის დასრულება მიმდინარე წლის შემოდგომაზეა დაგეგმილი.

ᲛᲝᲪᲔᲛᲣᲚ ᲞᲔᲠᲘᲝᲓᲨᲘ, ᲛᲒᲖᲐᲕᲠᲗᲐ ᲨᲔᲣᲤᲔᲠᲮᲔᲑᲔᲚᲘ ᲒᲐᲓᲐᲐᲓᲒᲘᲚᲔᲑᲘᲡ ᲛᲘᲖᲜᲘᲗ, ᲓᲐᲘᲜᲘᲨᲜᲐ ᲛᲣᲜᲘᲪᲘᲞᲐᲚᲣᲠᲘ ᲐᲕᲢᲝᲑᲣᲡᲘᲡ ᲓᲠᲝᲔᲑᲘᲗᲘ ᲛᲐᲠᲨᲠᲣᲢᲘ N174. ᲐᲕᲢᲝᲑᲣᲡᲘ ᲘᲛᲝᲫᲠᲐᲕᲔᲑᲡ ᲬᲠᲘᲣᲚᲐᲓ, ᲞᲘᲙᲘᲡ ᲡᲐᲐᲗᲔᲑᲨᲘ 3-ᲬᲣᲗᲘᲐᲜᲘ ᲘᲜᲢᲔᲠᲕᲐᲚᲘᲗ ᲓᲐ ᲛᲒᲖᲐᲕᲠᲔᲑᲡ ᲛᲔᲢᲠᲝᲡᲐᲓᲒᲣᲠ „ᲡᲐᲛᲒᲝᲠᲘᲡ“ ᲖᲔᲓᲐ ᲒᲐᲡᲐᲡᲕᲚᲔᲚᲘᲓᲐᲜ ᲛᲔᲢᲠᲝᲡᲐᲓᲒᲣᲠ „ᲕᲐᲠᲙᲔᲗᲘᲚᲘᲡ“ ᲛᲘᲛᲓᲔᲑᲐᲠᲔ ᲢᲔᲠᲘᲢᲝᲠᲘᲐᲛᲓᲔ ᲓᲐ ᲞᲘᲠᲘᲥᲘᲗ ᲛᲝᲔᲛᲡᲐᲮᲣᲠᲔᲑᲐ.

თბილისის სატრანსპორტო კომპანია ბოდიშს გიხდით შექმნილი დისკომფორტისთვის!“, - აღნიშნულია მერიის განცხადებაში.