მთავრობის ადმინისტრაცია: პრემიერმა სახელმწიფო რწმუნებულებს დაავალა, მაქსიმალური კომუნიკაცია ჰქონდეთ ადგილობრივ მოსახლეობასთან, რათა მათი საჭიროებები უმოკლეს ვადებში მოგვარდეს

საქართველოს პრემიერ-მინისტრი ირაკლი ღარიბაშვილი რეგიონებში სახელმწიფო რწმუნებულებს – გუბერნატორებს შეხვდა.

მთავრობის ადმინისტრაციის პრესსამსახურის ინფორმაციით, სამუშაო შეხვედრაზე მთავრობის მეთაურმა გუბერნატორებთან რეგიონებში მიმდინარე და დაგეგმილი პროექტები განიხილა და ხაზი გაუსვა შესაბამისი სამუშაოების მოკლე ვადებში განხორციელების აუცილებლობას.

პრემიერმა აღნიშნა, რომ მთავრობისთვის უმნიშვნელოვანესია, განსაკუთრებული ყურადღება დაეთმოს მოსახლეობისთვის პრიორიტეტული პროექტების განხორციელებას და ამ პროცესში გუბერნატორების როლი გადამწყვეტია.

შეხვედრისას, თითოეული რეგიონის მიხედვით დეტალურად განიხილეს არსებული პროექტები, მათ შორის პრემიერ-მინისტრის მიერ ინიცირებული „განახლებული რეგიონების“ პროგრამის ფარგლებში მიმდინარე სამუშაოები, ასევე, იმსჯელეს საჭიროებებზე, როგორიცაა ცალკეულ მუნიციპალიტეტებში ხარისხიანი წყალმომარაგება, თუ შიდა გზების მოწესრიგება.

"ხაზი გაესვა ცენტრალური და ადგილობრივი ხელისუფლების მაქსიმალური კოორდინაციის აუცილებლობას, რაც ხელს შეუწყობს მნიშვნელოვანი, პრიორიტეტული საკითხების სწრაფად და ეფექტიანად მოგვარებას.

ირაკლი ღარიბაშვილმა სახელმწიფო რწმუნებულებს დაავალა, მაქსიმალური კომუნიკაცია ჰქონდეთ ადგილობრივ მცხოვრებლებთან, რათა უზრუნველყოფილი იყოს რეგიონის მოსახლეობის საჭიროებების უმოკლეს ვადებში გადაჭრა", – ნათქვამია ინფორმაციაში.

სხვა სიახლეები:

🔳 სასამართლომ სახელმწიფო ინსპექტორის მიერ დაკისრებული სანქცია გააუქმა

🔳 ომბუდსმენი ყოფილ სანატორიუმ "ქართლის" შენობაში მცხოვრებ დევნილებთან დაკავშირებით განცხადებას ავრცელებს

🔳 "მტკვარს, რომ ფილტრები დაუყენონ, ერთი საახალწლო მორთულობის და განათების ფასი დაჯდება" - ნათია ფანჯიკიძე

🔳 17 იანვარი ლეგენდარული მოჭადრაკის მაია ჩიბურდანიძის დაბადების დღეა