მყარი რუბლის პირობებშიც იქნება სიღატაკე, ინფლაცია და ეკონომიკის ვარდნა - რომან გოცირიძე

“ნაციონალური მოძრაობის” წევრი, პარლამენტის დეპუტატი რომან გოცირიძე ფეისბუკის საკუთარ გვეერდზე წერს,  რომ რუსეთის ეკონომიკური კრახის პირობებში რუბლის გამყარება ცუდი მოვლენების გამოძახილია, ვიდრე კარგის.

“რუსეთს ეკონომიკური კრახი ემუქრება, რუბლი კი მყარდება. პარადოქსია არა? ეს ის იშვიათი შემთხვევაა, როცა ვალუტის გამყარება ცუდი მოვლენების გამოძახილია, ვიდრე კარგის.
რუსული რუბლი მთლიანად დარეგულირებულია, როგორც გვიყვარს თქმა, “ხელოვნური კურსია”. უცხოური კაპიტალის წილობრივი მონაწილეობით შექმნილი რუსული კომპანიები და უცხოური კომპანიები ჩამოცილებული არიან სავალუტო და საფონდო ბაზარს. კაპიტალის გატანა აკრძალულია, ვალუტის გადარიცხვაზე მკაცრი კონტროლია დაწესებული და ლიმიტებია დადგენილი, ექსპორტიდან ამონაგები ვალუტის 80 პროცენტი აუცილებლად უნდა გაიყიდოს ბირჟაზე და რაც მთავარია, სანქციების გამო რუსეთის იმპორტი არნახულად შემცირდება( ანუ ვალუტის შეძენა არ დასჭირდებათ იმპორტიორებს). პლიუს, ნავთობზე და გაზზე მზარდი ფასები ყველა ზემოთქმულის გათვალისწინებით უზრუნველყოფს მიმდინარე ანგარიშის დადებით სალდოს.
მოკლედ, მყარი რუბლის პირობებშიც იქნება სიღატაკე, ინფლაცია და ეკონომიკის ვარდნა, ქვეყნის პოლიტიკური, ეკონომიკური და მორალური იზოლაცია.
რუსეთი არასდროს იქნება თუნდაც ის რაც იყო. პუტინი რომ მოკვდება, მერე რა იქნება, ამაზე ახლა არ მოვცდეთ:)” – წერს რომან გოცირიძე.

ასევე დაგაინტერე­­­­სებთ:

🔵პუტინის ქალიშვილებსა და რუსულ ბანკებს, აშშ დამატებით სანქციებს დაუწესებს

🔵ვლადიმირ პუტინი ომის დანაშაულებშია ბრალდებული, მაგრამ არ მჯერა, რომ თქვენი სახელით მოქმედებს - ბორის ჯონსონმა რუს ხალხს რუსულად მიმართა

🔵