ნინო წილოსანი ოპონენტებზე: მათი ირონია იმაზე მიგვანიშნებს, რომ ე.წ პოლიტიკოსები, „ენჯეოები“ და სხვადასხვა აქტივისტები ემხრობიან, რომ თუნდაც, ევროპის იდეისთვის დაკანონდეს ერთნაირსქესიანთა ქორწინება საქართველოში

„ეს ირონია იმაზე მიგვანიშნებს, რომ ე.წ პოლიტიკოსები, „ენჯეოები“ და სხვადასხვა აქტივისტები ემხრობიან, რომ თუნდაც ევროპის იდეისთვის დაკანონდეს ერთნაირსქესიანთა ქორწინება საქართველოში“, - განაცხადა გადაცემაში “იმედი კვირა” საქართველოს პარლამენტის თავმჯდომარის მოადგილემ ნინო წილოსანმა, ევროკავშირის მართლმსაჯულების სასამართლოს გადაწყვეტილებაზე ოპონენტების რეაქციაზე საუბრისას.

„ევროკავშირის მართლმსაჯულების სასამართლოს ამ გადაწყვეტილებას, რომელზეც ჩვენ ვთქვით, რომ ზუსტად ეს იყო რისკი, რატომაც უნდა მიგვეღო საკონსტიტუციო ჩანაწერი, რატომაც უნდა მიგვეღო ოჯახური ღირებულებების შესახებ კანონი, ამ ყველაფერს ჩვენი ოპონენტების მხრიდან, ისევ მოჰყვა განსაკუთრებული ქირქილი და დაცინვა, რომ თითქოს ვინმე იცავს კაცებს გათხოვებისგან, თუმცა ეს ირონია იმაზე მიგვანიშნებს, რომ ეს ადამიანები, ე.წ პოლიტიკოსები, „ენჯეოები“ და აქტივისტები ემხრობიან, რომ თუნდაც, ევროპის იდეისთვის დაკანონდეს ერთნაირსქესიანთა ქორწინება საქართველოში. საკონსტიტუციო დონეზე, ქალისა და კაცის ერთობის გაჩენასაც მოჰყვა გარკვეული კრიტიკა. მაშინაც მოიძებნნენ ადამიანები, რომლებსაც არ შერცხვათ ეთქვათ, რომ ეს ჩანაწერი არ არის დასავლური“, - განაცხადა ნინო წილოსანმა.

როგორც ცნობილია, ევროკავშირის უმაღლესმა სასამართლომ სამშაბათს დაადგინა, რომ ერთნაირსქესიანთა ქორწინებებს მთელი ბლოკის მასშტაბით უნდა სცენ პატივი.