„ომიკრონის“ შემთხვევაში ჩვეულებრივ ნიღაბს 60%-მდე დაცვა აქვს, ე.წ. რესპირატორს - 85%-მდე - ივანე ჩხაიძე მოქალაქეებს მიმართავს

ე.წ. ნიღაბი - რესპირატორი ყველაზე ეფექტურია და მისი გამოყენება რამდენიმე დღეც არის შესაძლებელი. ამის შესახებ იმუნიზაციის მრჩეველთა ეროვნული ტექნიკური ჯგუფის ხელმძღვანელმა ივანე ჩხეიძემ მედიაჰოლდინგ „კვირის“ პრესკლუბში განაცხადა.

ის ამბობს, რომ დღეისათვის არცერთი ადამიანი, რომელსაც ნებისმიერი მუტაციის კორონავირუსი აქვს გადატანილი, დაცულად არ ითვლება, „ომიკრონს“რეინფიცირების 5-ჯერ მეტი უნარი აქვს.

„ბოლო კვლევები მიუთითებს, რომ ჩვეულებრივი ქირურგიული ნიღაბი „ომიკრონის“ შემთხვევაში 60%-მდეა დაცვის უნარის მქონე. ის ნიღაბი, რომელიც უფრო მაღალი კატეგორიისაა, ე.წ. რესპირატორი N95, იქ დაცვის მაჩვენებელი 85%-მდეა.

თუ ჩვენ ნიღაბს ვატარებთ და გვინდა, რომ ნიღბის საშუალებით ვიყოთ დაცული, უმჯობესია, რომ გამოვიყენოთ ეს ნიღაბი, „რესპირატორი“, ასევე, მინდა დავამატო, რომ ადრე არსებული შეხედულება, რომ ეს ნიღაბი უნდა გამოცვლილიყო 4-5 საათში, ახლა ასე აღარ არის და შეგიძლიათ, ეს ნიღაბი გამოიყენოთ უფრო ხანგრძლივად, რამდენიმე, 2-3 დღეც კი, თუ მას კარგად იყენებთ, არ არის მექანიკური დაზიანება. ეს ფილტრი ეფექტურია უფრო ხანგრძლივი დროის განმავლობაში“, – განაცხადა ჩხაიძემ.

ასევე საინტერესოა:

🔵 ელენე ხოშტარიასთვის სადეპუტატო უფლებამოსილების შეწყვეტას საპროცედურო საკითხთა კომიტეტმა მხარი დაუჭირა

🔵 იქნება კოვიდის ახალი ვარიანტი? კი იქნება! - გიორგი ფხაკაძე

🔵 იჩქარეთ! იტალიური ენის კურსები პერუჯაში მცხოვრები ემიგრანტებისთვის