„ქურდული სამყაროს“ წევრობის ბრალდებით დაკავებულია 4 ადამიანი (ვიდეო)

„ქურდული სამყაროს“ წევრობის ბრალდებით დაკავებულია 4 ადამიანი, - ინფორმაციას  შინაგან საქმეთა სამინისტრო ავრცელებს.

დანაშაულები 7-დან 10 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ქურდულ სამყაროსთან კავშირში მყოფი პირები - ბორჯომის მუნიციპალიტეტში მცხოვრებ ერთ-ერთ ბიზნესმენს სამეწარმეო საქმიანობიდან შემოსული მოგების დიდ ნაწილს სისტემატურად სძალავდნენ.

ბრალდებულებმა, კრიმინალური გავლენის გამოყენებით, დაშინებითა და მუქარით, აღნიშნული ბიზნესმენის საქმიანობის სრულად მითვისება განიზრახეს, ასევე, მეწარმის შვილს კუთვნილი ავტომანქანა წაართვეს. ამის შემდეგ დაზარალებულმა მეწარმემ, თავის მხრივ, დახმარებისთვის მიმართა ე.წ. „კანონიერ ქურდებს“, რომლებმაც გამომძალველების ქმედება შეაფასეს და „ქურდული გარჩევის“ გზით ბიზნესმენის სასარგებლო გადაწყვეტილება მიიღეს.

რაც შეეხება კიდევ ერთ ბრალდებულს, კრიმინალურმა ავტორიტეტმა, ,,ქურდულ სამყაროში“ დადგენილი წესების შესაბამისად, მისთვის ეტაპობრივად 15 000 აშშ დოლარის გადახდა და ძვირად ღირებული ავტომობილის დათმობა მოსთხოვა ქუთაისში მცხოვრებ მეწარმეს, კონკრეტული ვადების დარღვევის შემთხვევაში კი ფიზიკური ანგარიშსწორებით და სიცოცხლის მოსპობით დაემუქრა. ამის გამო დაზარალებულმა ბრალდებულს 16 000 ლარი გადასცა.

ასევე საინტერესოა:

🔵 აფეთქდა გემი, რომელზეც 500 ადამიანი იმყოფებოდა

🔵 ისტორიული არტეფაქტი: აღმოჩენილია საქართველოს მეფე დავით მეოთხე აღმაშენებლის პერიოდის მონეტა (ვიდეო)