რიმა ბერაძე: ეს წერილი არის ზეწოლა საქართველოს მოსახლეობაზე, ეს ყველაფერი ხდება „დიფ სთეითის“ მიერ და მას მხარს უჭერს საქართველოში ევროკავშირის ელჩი

„ეს წერილი არის ზეწოლა საქართველოს მოსახლეობაზე, ეს ყველაფერი ხდება „დიფ სთეითის“ მიერ და მას მხარს უჭერს საქართველოში ევროკავშირის ელჩი“, - ასე აფასებს ფრაქცია „ქართული ოცნების“ თავმჯდომარის მოადგილე რიმა ბერაძე 17 ევროპული სახელმწიფოს საგარეო საქმეთა მინისტრებისა და ევროკავშირის უმაღლესი წარმომადგენლის წერილს.

მისი თქმით, „დიფ სთეითს“ მხარს საქართველოში ევროკავშირის ელჩი უჭერს.

„ვფიქრობთ, რომ ეს წერილი არის ზეწოლა საქართველოს მოსახლეობაზე და ჩვენს დემოკრატიაზე, სადაც გავრცელებულია ცრუ ბრალდებები და დეზინფორმაცია. ეს ყველაფერი ხდება „დიფ სთეითის“ მიერ და მას მხარს უჭერს საქართველოში ევროკავშირის ელჩი, რაც ჩვენთვის ძალიან სამწუხაროა.

ეს ყველაფერი ახალი გამოწვევაა იქიდან გამომდინარე, რომ ეს 2024 წლის საპარლამენტო არჩევნების შემდეგ, ის გამარჯვება, რომელიც მოიპოვა „ქართულმა ოცნებამ“, ვერ პატიობს საქართველოს მოსახლეობას.

ეს არის გზავნილი იმისათვის, რომ არ ჩატარდეს საქართველოში ადგილობრივი თვითმმართველობის არჩევნები დემოკრატიული პრინციპებით, მაგრამ ჩვენ მაქსიმალურად ვემზადებით ამ არჩევნების დემოკრატიულად და ყველა წესის დაცვით ჩატარებისათვის“, - აღნიშნა ბერაძემ.