„სექტა დაიწყებს 31 მარტამდე ფეიკების გამოყრას“ - გამსახურდია VISA და MASTERCARD-ის შეზღუდვასთან დაკავშირებით გავრცელებულ ინფორმაციაზე

საქართველოს პირველი პრეზიდენტის შვილი გიორგი გამსახურდია VISA და MASTERCARD-ის საქმიანობის შეზღუდვასთან დაკავშირებით მედიით გავრცელებულ ინფორმაციას გამოეხმაურა.

„დაიწყებს ახლა სექტა, 31 მარტამდე მსგავსი ფეიკების გამოყრას, იქნებ დაძაბონ და მეტი ხალხი გამოყვანონ. შანსი არა გაქვთ, გამორიცხული მოცემულობაა, იმ მაქსიმუმს მაინც ვერ ასცდებით, რაც დღემდე გაგაჩნიათ. ეს მანიპულაციები და დეზინფორმაციები, შეგიძლიათ დაწეროთ ქაღალდზე (პერგამენტი სასურველია) და მერე მოგწერთ სადაც უნდა გაამწესოთ“, - წერს სოციალურ ქსელში გამსახურდია.

აღნიშნულ საკითხთან დაკავშირებით განმარტება გააკეთა საქართველოს ეროვნულმა ბანკმა.

ეროვნული ბანკში აცხადებენ, რომ ეს არის დეზინფორმაცია და რეალური ფაქტების მცდარი ინტერპრეტაციის მცდელობა, რომელიც არ შეესაბამება სინამდვილეს.

„გვსურს გამოვეხმაუროთ სხვადასხვა მედიასაშუალებებში გავრცელებულ დეზინფორმაციას იმის შესახებ, რომ თითქოს საქართველოში საგადახდო სისტემების - VISA და MASTERCARD-ის საქმიანობის შეზღუდვა იგეგმება.

პირველ რიგში, განვმარტავთ, რომ ეს არის დეზინფორმაცია და რეალური ფაქტების მცდარი ინტერპრეტაციის მცდელობა, რომელიც არ შეესაბამება სინამდვილეს. 

საქართველოს ეროვნული ბანკის ერთ-ერთი ფუნქციაა, ხელი შეუწყოს საგადახდო სისტემის უსაფრთხო, მდგრად და ეფექტიან ფუნქციონირებას“, - აცხადებენ ეროვნულ ბანკში.